Bugun “Manchester Siti” ochko yo'qotadi?!

Birozdan keyin (18:00) «shaharliklar» APL 36-turidan o'rin olgan bahsda divizionda qolishga intilayotgan «Everton» bilan to'qnash keladi. Ikki frontda jang qilish ko'plab jamoalarga pand bergan. Pep va uning jamoasi ikki kundan so'ng YCHL yarim finali javob o'yinida «Etihad»da “Real Madrid”ni qabul qilishi lozim. “Manchester Siti” ikkita teng kuchli tarkibga ega deyiladi, ammo asosiy ishlarni hal qiluvchi yigitlar ajralib qolgan. Narigi tomonda «Real» Kamavinga borasida muammoga uchrab bo'ldi. Tabiiyki Pep katta o'yin oldidan yo'qotishlarga uchrashni istamaydi, «Everton» esa premer-ligada qolish uchun jon jahdi bilan harakat qilishni allaqachon boshlab yuborgan. O'tgan turda mavsum kashfiyoti bo'lgan «Brayton» 5-1 hisobida mag'lub qilingani so'zimiz isboti.

«Arsenal»ning bosimi.

Taqibchi «Arsenal» bilan oradagi farq bir ochko va zaxirada bir o'yin bor. Ammo Pep so'nggi turlarda yarador «CHelsi» va «Brayton»ga qarshi o'yinlar borligini biladi, bu esa murabbiyga bo'lgan bosimni kuchaytirishi bor gap. Aksiga olib «Arsenal» omadsiz o'yinlardan keyin o'ziga kela oldi. «To'pchilar» «Siti»dan uchralgan mag'lubiyatdan keyin avval «CHelsi» keyin esa «Nyukasl»ni ishonchli hisobda mag'lub etishdi. APL so'nggi turlarida nimalar sodir bo'lishini hech kim bilmaydi. Ehtimol, bizni dahshatli yakun kutib turgandir. Yuqoridagi faktorlar sabab Pep APLni o'z holiga tashlab qo'ya olmaydi.

Ushalmagan orzu.

Bilasiz “Manchester Siti” YCHLda biror marotaba g'olib chiqmagan. Yarim final, ilk uchrashuvdan so'ng ajoyib imkoniyat hosil bo'lgan, «Etihad»da minimal hisobda g'olib chiqilsa bas. Narigi juftlikdagi raqib katta ehtimol «Inter» bo'ladi. Raqibning “Real Madrid”ligi va hali umuman zabt etilmagan cho'qqi bosimi hattoki Pepni ham chuqur o'yga toldiradi. SHu sababdan murabbiy «Real»a qarshi optimal tarkibni qo'yishga intiladi va «Everton»ga qarshi o'yinda etakchilarga dam bersa ajabmas.

Jaloliddin