Bugun futbol. "Qo'qon-1912" - "Neftchi"

Bugun Qo'qonda vodiy derbisi bo'lib o'tadi. "Qo'qon-1912" o'z maydonida Farg'onaning "Neftchi" klubini qabul qiladi. Bahs 18:30da boshlanadi.

Turnir jadvalida qo'qonliklar raqibdan 10 ochkoga ilgarilab ketgan holda 8-o'rinni egallab turishibdi. "Neftchi" esa atigi to'rt ochko jamg'arib oxirgi o'rinda bormoqda.

"Qo'qon-1912" hozirgacha uch bor g'alaba qozongan bo'lib, ikkitasi uyda va bittasi safarda qo'lga kiritildi. No'mon Hasanov shogirdlari safarda "Qizilqum", uyda esa "Navbahor" va "Bunyodkor"dan ustun kelishdi.

Bilasizmi? "Qo'qon-1912" qatorasiga etti o'yindan beri yutqazmay kelyapti. Jamoa ikki bor zafar quchib, besh marta durang o'ynadi.

Fakt: "Qo'qon-1912" o'z uyida hali gol o'tkazmagan yagona jamoa bo'lib turibdi. To'plar nisbati 2-0.

"Neftchi"ga keladigan bo'lsak, bu jamoa safarda tugul hatto uydagi o'yinlarda ham g'alaba qozongani yo'q. Farg'onaliklar ortda qolgan 10ta turning to'rttasida durang o'ynab, olti bor mag'lubiyatga uchrashdi. "Neftchi"da to'plar nisbati ham juda xunuk ko'rinida 3-14 (-11).

Muxlislar "Neftchi" qachon ilk g'alabasini nishonlarkin deya kutish bilan ovora. Umuman olganda, hozirgi "Neftchi" juda mushkul ahvolda. Jamoa o'tgan yilgi "Obod"ga o'xshab qolyapti.

Bilasizmi? "Neftchi" oxirgi uchta o'yindan ikkitasini durang bilan yakunladi.