Bugun futbol. "Paxtakor" - "Lokomotiv"
01 avg 2018 13:14
Yangiliklar
![](https://championat.asia/upload/storage/446763_original.jpg)
![](/upload/storage/446763_220.jpg)
Bugun futbol. "Paxtakor" - "Lokomotiv"
Bir so'z bilan aytganda, bugun Toshkent derbisiga guvoh bo'lamiz. Superliga turnir jadvali peshqadami "Paxtakor" o'z maydonida "Lokomotiv" bilan kuch sinashadi. "Paxtakor" 42 ochko jamg'argan holda birinchi o'rinni egallab turibdi. "Lokomotiv" esa 35 ochko bilan 3-pog'onaga ko'tarilib olgan. Ochkolar orasidagi farq nisbatan kamligini hisobga olsak, bugun qiziq qarama-qarshilik bo'lishi kutilmoqda.
Avvalgi turni ikkala jamoa ikki xil kayfiyatda o'tkazdi. "Paxtakor" safarda "Navbahor"ga imkoniyatni boy bergan bo'lsa, "Lokomotiv" o'z maydonida "Bunyodkor"dan ustun keldi. Bugungi o'yinda imkoniyatlar ikkala jamoada ham teng desa bo'ladi. To'g'ri, "Lokomotiv"da omadsiz kunlar ko'p bo'ldi, biroq jamoa oxirgi paytlarda ancha o'ziga kelib oldi.
Xususan "temiryo'lchilar" oxirgi oltita o'yindan beri yutqazmay kelishmoqda: 5 g'alaba va bir durang. "Loko" oxirgi marta 13-tur safar o'yinida "Metallurg"ga imkoniyatni boy bergan. Jamoa shundan so'ng "Navbahor", AGMK, "Qo'qon-1912", "Nasaf" va "Bunyodkor"ni mag'lub etgan bo'lsa, Jizzaxda "So'g'diyona" bilan durang o'ynadi.
"Lokomotiv" shu paytgacha safarda 9ta o'yinda maydonga tushgan bo'lib, shundan 4tasida g'alaba qozongan. Bir bor durang o'ynab, yana to'rt marta mag'lubiyatga uchragan. To'plar nisbati 12-10.
"Paxtakor" haqida gapiradigan bo'lsak, Toshkent "sherlari" bu yil chempionlik uchun kurash olib borishyapti. Malumki, bu jamoa o'z maydonidagi bellashuvlarni ancha ko'tarinki ruhda o'tkazadi. "Paxtakor" ushbu mavsum hisobidan uyda 9ta o'yinda maydonga tushib, shundan 8tasini g'alaba bilan yakunlagan va bir bor durang o'ynagan. Durang 10-turda "Qo'qon-1912" bilan sodir bo'lgandi. "Paxtakor"ning uydagi bahslarda to'plar nisbati 17-3.
O’xshash yangiliklar
![AMP Logo](https://championat.asia/image/logo-amp.png)
Fikrlar