Bugun futbol. "Navbahor" - "Lokomotiv"
27 noy 2019 10:38
Yangiliklar
Ushbu mavsumda ikkinchi o'rinni naqd qilgan "Lokomotiv" bugun Namanganda "Navbahor" mehmoni bo'ladi. Jamoalar avvalgi turda ikki xil natija qayd etishdi. "Loko" safarda "Andijon"ni yirik 4:0 hisobida mag'lub etgan bo'lsa, "Navbahor" Toshkentda "Bunyodkor"ga 1:2 hisobida imkoniyatni boy berdi.
Bugungi bahs "Lokomotiv"ning safardagi 13-o'yini bo'ladi. "Temiryo'lchilar" shu paytgacha safarda uch marta g'alaba qozonishgan: "Nasaf", "Buxoro" va "Andijon" mag'lub etilgan. Safar o'yinlarida to'plar nisbati 14-11. Qizig'i shundaki, "Loko" safarda g'alaba qozongan o'yinlarda o'z darvozasidan gol o'tkazmagan.
O'z maydonida 12ta uchrashuv o'tkazgan "Navbahor" shundan 4tasida g'alabaga erishgan. Namanganliklar uyda "Surxon", "So'g'diyona", "Buxoro" va "Dinamo" klublaridan ustun kelishgan. SHuningdek to'rttadan o'yinda durang va mag'lubiyat qayd etilgan.
Bilasizmi? "Lokomotiv" oxirgi uch turning ikkitasini g'alaba bilan yakunladi. "Temiryo'lchilar" uyda "Buxoro" va safarda "Andijon"dan ustun kelishdi. "Navbahor" esa oxirgi uch turdan beri g'alaba qozona olmayapti. Bu jamoa hisobida ikkita durang va bir mag'lubiyat bor. SHu o'rinda Namanganda bo'lib o'tgan oxirgi beshta o'yinni yodga oladigan bo'lsak, shundan uchtasida "Loko"ning qo'li baland kelgan. Bittadan o'yinda "Navbahor" durang va g'alaba qayd etgan.
2018 y. Birinchi bosqich. "Navbahor" - "Lokomotiv" 0:3
2018 y. Ikkinchi bosqich. "Navbahor" - "Lokomotiv" 2:0
2017 y. "Navbahor" - "Lokomotiv" 2:2
2016 y. "Navbahor" - "Lokomotiv" 2:3
2015 y. "Navbahor" - "Lokomotiv" 2:3
O’xshash yangiliklar
![AMP Logo](https://championat.asia/image/logo-amp.png)
Fikrlar