Bugun futbol. “Nasaf” – “Olmaliq”
08 sen 2017 11:52
Yangiliklar
![](https://championat.asia/upload/storage/276539_original.jpg)
![](/upload/storage/276539_220.jpg)
Bugun futbol. “Nasaf” – “Olmaliq”
Bugungi uchrashuvni FIFA referisi Olim Tolibjonov boshchiligidagi hakamlar guruhi boshqaradi.
O'zPFL 20-tur
“Nasaf” (Qarshi) – “Olmaliq” (Olmaliq)
08.09.2017. “Markaziy” stadion. 18:45da
Bosh hakam: Olim Tolibjonov (Toshkent)
Qanot hakamlari: Nabiyjon Ro'zimov, Aleksandr Burov (Toshkent)
Zaxira hakami: Isxax Ibragimov (Nukus)
Nazoratchi: Alisher Abdullaev (Toshkent)
O'zPFL vakili: Aleksey Frolov.
Olim Tolibjonov jamoamizning bu yilgi chempionatdagi uchrashuvlarini hali boshqargan emas. Bugungi uchrashuv dastlabkisi bo'ladi.
SHu paytgacha mazkur jamoalar o'zaro 19 marta kuch sinashgan. SHundan o'nta bahsda “ajdarlar” zafar quchishgan, yana ettita o'yinda durang natija qayd etilgan. Ikkita o'yinda olmaliqlik futbolchilar o'z maydonida g'alabaga erishishgan. To'plar nisbati bo'yicha ham ustunlik “Nasaf” tarafida - 31:17.
Qarshida bo'lib o'tgan to'qqiz o'yindan ettitasida “Nasaf” g'alaba qozongan. Ikki uchrashuvda bir xil 2:2 durang hisobi qayd etilgan. Ko'rib turganingizdek, “Olmaliq” jamoasi hanuzgacha Qarshida g'alaba qozona olmagan. Qarshidagi so'nggi durang natija esa 2013 yili bo'lgan.
Qarshida bo'lib o'tgan uchrashuvlarda mazkur jamoalar o'rtasida eng yirik 4:0 hisobi, 2010 yili qayd etilgan. Bu uchrashuvda Ilhom SHomurodov xet-trik muallifi bo'lgan. Kenja To'raev esa bitta gol kiritgan.
Birinchi davraning 5-turida bu jamoalar Olmaliqda o'zaro bahs yuritishgan. Unda “Olmaliq” jamoasi kichik 1:0 hisobida g'alaba qozonganini ham aytib o'tish joiz.
Bugun “Markaziy”da qiziqarli va murosasiz kurashlarga boy uchrashuv bo'lishini oldindan taxmin qilish qiyin emas.
SHunday ekan qiziqarli uchrashuvni o'tkazib yubormang. “Markaziy”ga tashrif buyuring va yaxshi hordiq chiqaring.
Muxlislarga o'yin chiptalari stadion qoshidagi chiptaxonalarda sotilayotganini ham eslatib o'tamiz.
O’xshash yangiliklar
![AMP Logo](https://championat.asia/image/logo-amp.png)
Fikrlar