Bugun futbol. "Bunyodkor" - "Olmaliq"

Bugun kun tartibidan bitta o'yin o'rin olgan va bunda "Bunyodkor" Viktor Kumikov boshchiligidagi "Olmaliq"ni qabul qiladi. O'yin 19:30da boshlanadi. 

Oliy liga. 17-tur. 11 avgust

Bunyodkor (Toshkent) – Olmaliq (Olmaliq)

Hakamlar: I. Tantashev (Buxoro), H. SHodmonov (Buxoro), A. Qo'ldoshev (Buxoro), R. Abduvohidov (Qarshi)

Nazoratchi: S. Ermatov (Toshkent).

PFL vakili: F. Magametov.

Turnir jadvalidagi o'rni: "Bunyodkor" 8-o'rinda (22 ochko), "Olmaliq" 4-o'rinda (25 ochko). 

Jamoalarni atigi uch ochko jaratib turibdi va "Bunyodkor" g'alaba qozonadigan bo'lsa, o'z hisobidagi ochkolarni "Olmaliq"nikiga tenglashtirib oladi. 

Bugun "Bunyodkor" stadionida qiziqarli bahs kechishi kutilmoqda, negaki avvalgi turda ikkala jamoa ham durang o'ynadi. "Bunyodkor" safarda "So'g'diyona" bilan 0:0 hisobida durang qayd etgan bo'lsa, "Olmaliq" o'z uyida "Buxoro"ni enga olmadi - 1:1. 

Fakt: Mirjalol Qosimov klubga qaytganidan beri "Bunyodkor" o'z maydonida mag'lub bo'lmadi. Jamoa "Qo'qon-1912", "Lokomotiv" va "Nasaf"ni mag'lub etgan bo'lsa, "Paxtakor" bilan durang o'ynadi. 

Bilasizmi? "Olmaliq" safar o'yinlarida hozircha 9 ochkoni qo'lga kiritgan. Kumikov jamoasi ikkita o'yinda g'alaba qozonib, uch marta durang o'ynagan va yana uchta uchrashuvda yutqazib qo'ygan. To'plar nisbati 6-11. "Olmaliq" safar bahslarida chempionatning boshida "Buxoro", "So'g'diyona" va "Lokomotiv"ga imkoniyatni boy bergan. 

Fakt: "Olmaliq" oliy ligada 5-turdan boshlab ketma-ket 12 o'yinda yutqazmay kelmoqda: olti g'alaba, olti durang. 

Eslatib o'tamiz, Olmaliq shahrida kechgan birinchi davra uchrashuvida 0:0 hisobi qayd etilgan. O'tgan yil Toshkentda bo'lib o'tgan bahsda esa "Bunyodkor" o'z raqibini 4:2 hisobida mag'lub etgan. 

X.Xoliqov