Bugun bayram yoki motam...
20 may 2015 18:12
Yangiliklar

Bugun bayram yoki motam...

Bugun, 20 may kuni BAAda O'zbekiston olimpiya terma jamoasi taqdiriga aniqlik kiritiladi.

23 yoshgacha bo'lgan futbolchilar o'rtasidagi Osiyo chempionati saralashi "B" guruhining 3-tur uchrashuvlari bir necha soatdan so'ng boshlanadi.

2-turdan so'ng "B" guruhida Iordaniya U23 etakchilikni qo'lga olgan:

O'rin	Jamoa	O'yin	G'alaba	Durang	Mag'lubiyat	To'plar nisbati	Ochko
1	Iordaniya U23	2	2	0	0	9-0	6
2	Quvayt U23	2	1	1	0	2-0	4
3	Qirg'iziston U23	2	0	1	1	0-4	1
4	Pokiston U23	2	0	0	2	0-7	0

3-tur

Iordaniya U23 - Quvayt U23 19:15

Qirg'iziston U23 - Pokiston U23 22:15

Eslatib o'tamiz, O'zbekiston olimpiya terma jamoasi "E" guruhida 6 ochko to'plab ikkinchi o'rinni egallagan. Olimpiyachilarimizning to'plar nisbati +5. O'zbekiston U23 ushbu natijasi bilan ikkinchi o'rinni egallaganlar orasida 5 jamoa bo'lib turibdi. Agar "B" guruhida 2 o'rin egasi bizdan yaxshiroq natija ko'rsatsa, 23 yoshgacha bo'lgan terma jamoamiz Osiyo chempionati va Rioda bo'lib o'tadigan Olimpiada o'yinlaridan quruq qoladi.

Buning uchun

1. Iordaniya - Quvayt o'yini durang bilan tugashi. Bu holatda Quvayt guruhda qolib ketadi.

2. Iordaniya Quvaytga 5:0 hisobida mag'lubiyatga uchrashi. Bunisida esa Iordaniya yo'llanmani qo'ldan boy beradi.

Soat 19:15da boshlanadigan Iordaniya U23 va Quvayt U23 uchrashuvidan so'ng olimpiyachilarmiz masalasi hal bo'ladi. Bugun tunda urilmagan gollar, qo'lga kiritilmagan g'alaba uchun afsus chekamiz yoki Iordani U23ning bizga tuhfa etgan sovg'asidan minnatdor bo'lamiz. Bizning taqdir yana o'zgalar qo'lida...

Havola :

Manba : championat.asia

Yangiliklarni Telegramda o'qing!

Reyting: