Bugun 18:00. BAA - O'zbekiston
14 noy 2017 09:07
Yangiliklar

Bugun 18:00. BAA - O'zbekiston

Bugun Ro'ziqul Berdiev boshchiligidagi O'zbekiston terma jamoasi BAA bilan o'rtoqlik uchrashuvini o'tkazadi.

BAA va O'zbekiston terma jamoalari o'rtasidagi o'rtoqlik uchrashuvi 14 noyabr kuni Al-Ayn shahridagi “Xalifa Bin Zayd” stadionida Toshkent vaqti bilan soat 18:00da boshlanadi.

Ushbu o'yin Ro'ziqul Berdiev uchun terma jamoa ustozi sifatidagi birinchi uchrashuvi bo'ladi. O'FF "Nasaf" ustozini terma jamoaga vaqtincha bosh murabbiy etib tayinlagan.

Ro'ziqul Berdiev O'zbekiston MTJ bosh murabbiyi sifatida savollarga javob qaytardi (batafsil)

Alberto Zakkeroni boshchiligidagi BAA O'zbekiston bilan uchrashuvdan oldin Gaiti bilan bellashdi. Bu o'yinda Gaiti g'olib bo'ldi. Uchrashuv taqdirini bitta gol hal qildi.

O'rtoqlik uchrashuvi. BAA O'zbekistondan oldin Gaitiga yutqazdi.

Kecha O'zbekiston terma jamoasi Al Ayn shahrida rasmiy o'yinoldi mashg'ulotini o'tkazdi. Terma jamoaga chaqirilgan barcha futbolchilar soppa-sog' va bugungi o'yinga tayyor.

O'zbekiston MTJning BAAga qarshi o'yin oldidan o'tkazgan mashg'ulotidan FOTOGALEREYA.

Ushbu jamoalar o'zaro 16-marta to'qnash kelishadi. 15ta o'yinning 8tasida BAA g'olib chiqqan, 3ta o'yinda esa O'zbekiston zafar quchgan. To'rtta bahsda g'olib nomi aniqlanmagan. Qizig'i O'zbekiston barcha g'alabalarini BAA maydonida qo'lga kiritgan. Quyida ushbu jamoalar o'rtasidagi barcha o'yinlar natijalari bilan tanishing:

Sana	Mezbon	Mehmon	Hisob	SHahar	O'yin maqomi
19.11.1996	BAA	O'zbekiston	4:2	Abu Dabi, BAA	O'rtoqlik
22.11.1996	BAA	O'zbekiston	2:0	Abu Dabi, BAA	O'rtoqlik
27.09.1997	O'zbekiston	BAA	2:3	Toshkent, O'zbekiston	JCH-1998 saralashi
02.11.1997	BAA	O'zbekiston	0:0	Abu Dabi, BAA	JCH-1998 saralashi
27.11.1999	BAA	O'zbekiston	0:1	Abu Dabi, BAA	OK-2000 saralashi
17.08.2001	BAA	O'zbekiston	4:1	Abu Dabi, BAA	JCH-2002 saralashi
22.09.2001	O'zbekiston	BAA	0:1	Toshkent, O'zbekiston	JCH-2002 saralashi
11.10.2003	BAA	O'zbekiston	2:2	Dubay, BAA	O'rtoqlik
28.01.2009	BAA	O'zbekiston	0:1	Dubay, BAA	OK-2011 saralashi
03.03.2010	O'zbekiston	BAA	0:1	Toshkent, O'zbekiston	OK-2011 saralashi
29.01.2012	BAA	O'zbekiston	1:0	Dubay, BAA	O'rtoqlik
12.10.2012	BAA	O'zbekiston	2:2	Dubay, BAA	O'rtoqlik
22.03.2013	BAA	O'zbekiston	2:1	Abu Dabi, BAA	OK-2015 saralashi
05.03.2014	O'zbekiston	BAA	1:1	Toshkent, O'zbekiston	OK-2015 saralashi
14.10.2014	BAA	O'zbekiston	0:4	Dubay, BAA	O'rtoqlik