Bu qiziq: Muxlisimizning Bangladeshdagi sarguzashtlari

Bu yildan barchasi boshqacha bo'ladi!!!
Nafaqat Osiyoda, balkim O'zbekistonda ham!

Yani: Barchangizga malum murabbiylar va klub mutasaddilari xuddi bundan 15-20 yillar avval Turkiya qilgan ishga qo'l tashlashdi, maydon mardlarniki deganlaridek halol o'yin va hech qanday "dogovarnyak" "3+3" yo'q!!!

Osiyoda esa saralash tizimi o'zgardi bundan buyon barchasi Osiyo chempionatlarida hal bo'ladi!!!
Men O'zbekiston, Hindiston, Suriya, va Bangladesh olimpiya termalari uchun Osiyo chempionati saralashi bo'lib o'tadigan jarangdor nomli mamlakat Bangladeshga yo'l oldim.

Avval Bangkokga u erda aeroportda 14 soat bo'lib Bangladesh poytaxti Dakkaga uchdim rosti Dakka meni juda iliq kutib oldi, +42.

Har bir yurtning o'z fazilati bo'ladi, Bangladeshda esa Bu "fazilatlar" judayam ko'p ekan!
Odamlari juda muloyim va hushmuomala 90 foizidan ko'proq aholi musulmon ekan, aeroportdan chiqqan zahotim ko'p sonli aeroportni qo'riqlayotgan askarlarga ko'zim tushdi va eng qizig'i ularning qo'llaridagi qurollar 70/80-yillarniki judayam eski edi.

Taksiga o'tirib mehmonhonaga borar ekanman shu yoshga kirib bunaqangi tirbandligi g'ayrioddiy avtobuslarni ko'rmagan ekanman.

Ha aytgandek har bir yozganlarimga foto ham ilova qilib boraman, taksi haydovchisi xuddi Lyuk Bessonning "Taksi-6" filmida suratga tushsa arzir ekan mehmonhonaga borguncha bitta ham chorrahada qizil,chiroqqa to'xtamadi, men buni xattoki videotasvirga ham oldim. Mehmonhonagacha bazi bir joylarda tirbandlikda to'xtaganimizda judayam ko'p tilanchilar kelib mashinda o'zga sayyoralik, voy uzr, o'zga yurtlik o'tirganini ko'rib qolsa ana tamom,  “akajon xudo yo'liga sadaqa qeleeeng” booshlanar ekan. 

SHahar judayam qarovsiz, bog'larga esa xuddi hech qachon farrosh kirmagandek, bir kishi zo'rg'a sig'adigan velosipedli "taksi"larda 4-5 kishi mo'jizaviy ravishda o'tirib ketayotganliklari hayratlanarli. Eng achinarlisi tozalik va gigienaga umuman befarqlik.

Bir iloj qilib mehmonhonaga etib keldik, taksidan tushishim bilan 6ta qurollangan askar oldimga yugurib kelib mehmonhona ichkarisiga kuzatib qo'yishdi bittasi "chest" berib ham qo'ydi.

Yigitlar bilan ko'rishdim rosti deyarli barchasi hayron qolishdi. Abdurahmon aka shu erga ham keldizmi? Qalay Bangladesh yoqtimi? Ishqilib ertaga qaytib ketmisizmi? shunga o'xshash hazil gaplar bilan kutib olishdi

Vladimir Kozak, Abbos Mahstaliev, Javlon Mirabdullaev bilan suhbat qurdim yigitlarda "nastroy" alo darajada!
Soat 16:00da o'yinoldi mashg'ulotiga bordik yo'l-yo'lakay sizlar uchun suratlar oldim, sababi 26 mart Bangladesh Mustaqilligi kuni ekan kotta yo'lda bayroqlar ko'tarib qo'shiqlar aytib ketayotgan mahalliy aholi bayram qilishayotgan ekan.

Mashg'ulot esa hozirda Bangladesh "Pfl"da birinchi o'rinda ketayotgan "SHayh Jamal" jamoasi bazasida bo'ldi maydon "alo" ha aytgandek biz biroz vaqtliroq kelgan ekanmiz FK "SHayh jamal" mashg'ulot o'tkazayotgan ekan. Bugungi mashg'ulotlarimiz o'yin oldi bo'lganligi uchun yigitlar taktik va ertangi o'yinda kerak bo'lgan mashg'ulotlarni bajarishdi.

Mana birinchi kunim ham oxirlab qoldi! Xudo xohlasa jamoamizga g'alaba qozonish nasib qilsin, ha, siz hozir Hindistonni nimasidan qo'rqamiz har qanaqasiga yutamiz deyishingiz mumkin.

Lekin ular ham "sovg'a" emas, 4ta gollandiyalik murabbiy, futbolchilarini ko'rdim barchasi zabardast 22 yoshga kirgan 30 yoshli yigitlar"dek". CHunki hozir Hindiston avvalgidek Hindiston emas ular harakatni boshlab otni qamchilab yuborishganiga aaaancha bo'ldi!!!

Mehmonxona oldidagi va futbolchilarimizni qo'riqlayotgan askarlarning qurollari esa 50-yillar quroli “kusto hayratda”

Mana o'sha askarlar...

Ha aytgandek barcha avtobuslar ham 60-yillarnikidek va eng qizig'i barchasining ikki yonboshi dahshatli va ayovsiz darajada qirilgan, sababi esa oddiy bir biriga yo'l bermasdan bekatga birinchi borib olish. Undan ham qizig'i bekatda odamlar yurib ketayotgan avtobusga sakrab chiqib olishar ekan...

Abdurahmon Fozilov Dakka shahridan CA uchun maxsus