Breaking news. "Al Sadd"ning "Paxtakor"ga qarshi o'yin qaydnomasi elon qilindi: Xavi va Gabi Toshkentga keladi

Unga ko'ra, portugaliyalik mutaxassis Jezualdo Ferreyra Ispaniya terma jamoasi tarkibida Evropa va Jahon chempioni bo'lgan Xavini o'yin qaydnomasiga kiritgan.

Malumot uchun aytish mumkinki, Xavi yangi mavsumda ilk bor OCHL doirasidagi o'yinda ishtirok etishi mumkin. Gap shundaki, tajribali to'p ustasi jamoaning OCHLdagi dastlabki ikki o'yinida o'ynamagan va xattoki uchrashuv qaydnomasidan ham o'rin olmagandi. Bu gal Qatar chempionlini rasmiylashtirib bo'lgan murabbiy Xavini OCHL o'yiniga olib ketishni maqul topdi.

Xavining OCHLdagi statistikasiga nazar soladigan bo'lsak, futbolchi hozirga qadar mazkur musobaqada jami 13 o'yin o'tkazgan va birgina gol muallifiga aylangan. Xavining OCHLdagi debyut va oxirgi bo'lib turgan goli vakillarimizga qarshi bahsda sodir bo'lgan. O'tgan yilgi guruh bosqichida Qatarda o'tgan bahsda "Al Sadd" safida Xavi OCHLdagi tarixiy golini "Nasaf"ga, hozirda futbolchining bo'lajak raqibi bo'lmish "Paxtakor"ga o'tgan Sanjar Quvvatov darvozasiga kiritgan.

Tajribali yarim himoyachi, "Atletiko" safidagi o'yinlari orqali mashhur bo'lgan Gabi ham "Paxtakor"ga qarshi o'yin qaydnomasidan joy olgan. Qatar chempioni tarkibidagi uchinchi legioneri, jamoaning asosiy to'purari jazoirlik Bag'dod Bunedja ham Toshkentga keladi.

Qayd etish kerakki, Bag'dod Bunedja Qatar chempionatining joriy mavsumida 21 o'yinda 39ta gol urishga muvaffaq bo'lgan. Jazoir terma jamoasi hujumchisi 2019 yil hisobida 9 uchrashuvda ishtirok etdi va jami 12ta gol urishni uddasidan chiqdi. Yangi yil hisobidan Bag'dod Bunedja faqatgina birgina o'yinda, OCHL doirasidagi 1-tur bahsida "Al Ahli" darvozasini ishg'ol etmagan. Qolgan barcha uchrashuvlarda hujumchi raqiblar darvozasiga yo'l topishni uddalamoqda.

"Al Sadd"ning OCHLdagi 3+1 legioner limitiga mos tushuvchi osiyolik futbolchi Jung Vu Yung (Janubiy Koreya) ham qaydnomaga kiritilgan.

Fakt: Ayni paytda "Paxtakor"da o'ynayotgan Sanjar Quvvatov, Odiljon Hamrobekov va Dragan CHeran o'tgan mavsumda "Nasaf" libosida "Al Sadd"ga, xususan Xaviga qarshi maydonga tushishgandi.

Quyida o'tgan turda chempionatda chempionlik masalasini rasman hal etgan "Al Sadd"ning "Paxtakor"ga qarshi o'yin qaydnomasiga kiritilgan futbolchilar ro'yxati bilan tanishib chiqishingiz mumkin:

Eslatib o'tamiz, "D" guruhidan o'rin olgan "Paxtakor" OCHLning 2-turidan so'ng 4 ochko to'plagan holda guruhda peshqadam hisoblanadi. Bo'lajak raqib "Al Sadd" esa Saudiya Arabistonining "Al Ahli" klubi singari 3 ochkoga ega. Eronning "Persepolis" jamoasi esa ikki o'yinda bir ochko to'plashga erishgan. 9 aprel kuni "Paxtakor" Toshkentda "Al Sadd"ni qabul qilsa, "Al Ahli" Eronga safar qiladi.

Pakhtakor Tashkent Khoziakbar Alidzhanov - 9', Dragan Ceran - 41'

AFC Champions League Grp. D . 3-tur 09/04/2019, 20:00 2 : 2 Tugadi

Al-Sadd Xavi Hernandez - 6', Xavi Hernandez - 16'

45'

90'

9'  Khoziakbar Alidzhanov

41'  Dragan Ceran

65'  Igor Sergeev (Marat Bikmaev)

69'  Sadriddin Abdullaev (Sardor Sabirkhodjaev)

88'  Odildzhon Khamrobekov (Javokhir Sidikov)

6'  Xavi Hernandez

16'  Xavi Hernandez

60'  Yasser Aboubaker Essa (Hassan Al Haidos)

76'  Woo-Young Jung (Salem Al Hajri)

82'  Xavi Hernandez (Ali Assadalla)

Match-senterda ochish

Toshkentdagi Xavi va Gabi tashrif buyuradigan o'yin 9 aprel kuni soat 19:00da "Paxtakor" stadionida bo'lib o'tadi.