So’nggi yangiliklar

Botirali Ergashev: "Muvaffaqiyatsizliklar sababini izlashning mavridi emas" Yangiliklar

Botirali Ergashev: "Muvaffaqiyatsizliklar sababini izlashning mavridi emas"

Birinchi davrada barcha jamoalarga jiddiy qarshilik tug'dirgan, mutaxassislar etirofiga sazovor bo'lgan, Samarqandning “Dinamo” jamoasi Superligada jon saqlab qolish yo'lida kurash olib bormoqda.

Esingizda bo'lsa, klubning yuqori ligadagi so'ngi 2017 yildagi ishtirokida ham xuddi shunday scenariy kuzatilagandi. Xo'sh, ikkinchi davradagi nursiz o'yin va natijaning asl sababi nimada? SHu kabi boshqa savollar bilan samarqandliklar posboni Botirali Ergashevga murojaat qildik.

- "Dinamo"ning bu yilgi Superligadagi ishtirokini qanday baholaysiz? Birinchi davradagi jamoa bilan, hozirgi jamoa o'rtasida er bilan osmonchalik farq sezilmoqda...

- To'g'ri. Mavsum boshida bizdagi ishonch va xohish judayam kuchli edi. Ikkinchi davrada ketma-ket uchralgan mag'lubiyatlar sababli ruhiy tushkunlikka tushib qoldik. Xudo xohlasa bu vaziyatdan chiqib ketamiz.

- Klubning balki, tasodifan va tayyorgarliksiz Superligada paydo bo'lib qolgani keyinchalik sezildimi?

- Sabablar ko'p. Lekin, biz hozir bahona izlaydigan holatda emasmiz.

- Birinchi sabab sifatida tayyorgarlikni keltirdik. Biroq, tarkibdagi futbolchilar aksariyatida yuqori ligada o'ynash tajribasi yo'q edi. Davron Fayziev tavakkal ish qilib, yoshlarni birinchi davrada o'ynata oldi. Lekin nima uchun kerakli paytda tajribali futbolchilardan Vohid SHodiev, Siroj Hamroev kabilardan foydalanmadi. Tajribasizlik ham pand berdimi jamoaga?

- Murabbiyning ishiga aralashmayman. Nima bo'lganda ham oxirgacha kurashamiz va kuchlilar safida qolishga harakat qilamiz.



- Ikkinchi davrada yigitlarni o'z kuchiga bo'lgan ishonchni , ishtiyoq, motivaciya, ularning ko'zidagi uchqun sezilmadi. Balki moliyaviy tomondan muammolar bordir...

- Aytganimdek sabablar etarlicha. Hammamiz qo'limizdan kelganicha, borimizni berib mehnat qilyapmiz. Hayot har doim bir tekis ketmaydi. Past va balandligi bo'lgani kabi, futbolda ham shunday. Muntazam g'alaba qozonishni iloji yo'q. G'alaba va mag'lubiyat doim yonma-yon yuradi.

- Yosh futbolchilarga biroz tajriba etishmadi, degan fikrga qo'shilasizmi? O'yinni boshqaruvchi, etakchining yo'qligi bilindi...

- Ha. Ayrim uchrashuvlarda tajriba o'z so'zini aytmay qolmadi.

- So'nggi o'yinlarda darvozani Eshbo'taev va Raimov qo'riqladi. Sizga nima bo'ldi, jarohat bormi?

- Murabbiylar hamkasblarimga imkoniyat berishmoqda. Jarohatim yo'q.

- Mavsum oxiri ekanligini inobatga olsak, boshqa jamoalardan takliflar bormi?

- Bular haqida o'ylamayapman. Qolaversa, “Dinamo” bilan bir yarim yillik shartnomam bor.


Abdulaziz suhbatlashdi

Reyting:    

Fikrlar

+2   
30 okt 15:37:39
Пахтакорим
биронбир жояли савол ва шунга яраша жавоб йўқ бу интервьюда!
+2   
30 okt 15:04:02
Shodiyor FC
Ботирали яхши ва мехнаткаш бола, бошидан анча ишлар ўтди, жарохат, оператсия
+1   
30 okt 14:54:10
Old city boyS
Botirali raxmat sanga! Lekin Dinamoni yarim sostavini uzgartirish kerak! Yutqazib charchab ketgan
   
31 okt 12:29:34
Азамат0968
Биронта саволга конкрет жавоб йўқ.Стомотолог омбуридан қўрқиб тишиям оғримай қолдиёв. Нимага керак бунақа суҳбат.
   
30 okt 20:55:03
икром
Суперлигада тасодив билан чикди пролига уйинчилар билан. Хуш 1-даврадан сунг танафус вактида составни кучайтирса булардику? Бунга кии айбдор? ким бунга жавоб берадиган инсон Борми?
   
30 okt 20:21:05
Lochin79
Navbahorda yurganingda hozir termaga nomzod bularding.nestirov urniga qoladi deb yurardim.afsus.
   
30 okt 19:02:40
agfdtft
Пахтакорим foydalanuvchining fikriga javob berish
биронбир жояли савол ва шунга яраша жавоб йўқ бу интервьюда!
Har kimni o‘zizi qarichiz bilan o‘lchamang. Birovni o‘rniga o‘zizi qo‘yib ko‘ring
   
30 okt 14:50:20
Nodirbek Real Madrid
Сани жойинг Навбахорда эди афсус.....
championat.asia
< so’nggi yangiliklarni ko’rish
Яндекс.Метрика

CA ni Facebook da o’qish
uchun "Yoqdi"ni bosing