Botir Qodirqulov: "Rahbarlar tomonidan etibor bo'lsa "SHo'rtan" yana oliy ligaga qaytadi"

Tarkib jihatdan olib qaraydigan bo'lsak, "SHo'rtan" vazifani bajarishga qodir deyish mumkin. Lekin bugungi suhbatdoshimiz Qodirqulovning aytishicha ko'proq rahbariyatning etibori muhim ahamiyat kasb etadi. Oliy liganing ayrim jamoalaridan takliflar olgan bo'lishiga qaramay qashqadaryolik Botir Qodirqulov bu yil ham "SHo'rtan"da qolib jamoani kuchlilar safiga qaytarish yo'lida astoydil mehnat qilishni niyat qilgan.

- SHu kunga qadar G'uzor va Toshkentda bir nechta yig'inlarni o'tkazdik. Tarkibda o'zgarishlar ko'p. Yo'qotishlar o'rnini bir qator yosh va mahoratli futbochilar evaziga to'ldirilmoqda. Xususan SHavkat Nasibullaev, Muqimjon Toshmatov kabi ilgari oliy ligada o'ynagan taniqli futbolchilar bilan bir qatorda bir qator istedodli yoshlar yig'inga jalb etilgan. Yangitdan tashkil etilayotgan tarkib, asta-sekin shakllanib bormoqda. Yangi kelgan futbolchilar bilan vaqt o'tgan sayin bir-birimizni tushunib olyapmiz. CHempionat startiga qadar bu jarayonni yanada mukammallashtirib olamiz degan umiddaman.

- Xabaringiz bor, bu yil jamoada bosh murabbiy o'zgardi. Yangi murabbiy  Muxtor Qurbonov bilan ilgari ham birga ishlaganmiz. O'z vaqtida "SHo'rtan"ni belorussiyalik Kriushenko boshqargan kezlarda Qurbonov yordamchi murabbiy  sifatida faoliyat yuritgan. SHu bois yangi murabbiy bilan ham oldindan tanishligimiz uchun hech qanday muammo yo'q. U kishining o'tkazayotgan mashg'ulotlari ham qoniqarli darajada. Zerikib qolmaysiz.

- Bu yil ham "SHo'rtan"da qolishga qaror qildim. CHunki o'zim qashqadaryolik bo'lganim uchun ham uyimga yaqinroq joyda o'ynashni istadim. Qolaversa joriy mavsum jamoa oldiga yana eltiga qaytish vazifasi qo'yilmoqda. Rahbariyat sharoitlarni ham huddi oliy liga jamoalaridagi kabi bo'lishini aytganidan keyin oldimda turgan variantlarni ko'rib chiqmadim. Oliy liganing o'rtamiyona jamoalaridan takliflar bo'lgandi. Lekin "SHo'rtan"ni yana oliy ligaga qaytarish yo'lida o'z hissamni qo'shishga niyat qilganman.

- Hozir tarkibimizda bungacha oliy ligada o'ynagan etakchi o'yinchilar ko'p. Lekin bu bilan maqsadga aniq erishdik deb oldindan aytib bo'lmaydi. Avvalo rahbarlarning etibori juda zarur ekanligini alohida aytib o'tishni istardim. CHunki rahbariyat tomonidan sezilarli qo'llab-quvvatlanish bo'lmasa, natijalar baribir salbiy ko'rinish olaveradi. Misol uchun, o'tgan yilgi tarkibni olaylik. Kim o'ylabdi deysiz bunday tarkib bilan "SHo'rtan"ni oliy ligadan tushib ketishini. SHuning uchun xohlardimki, klubimiz rahbarlari mavsum davomida jamoani qo'llab-quvvatlab tursa biz futbolchilar jamoani o'z oldiga qo'ygan maqsadiga erishishi uchun bor kuchni ishga solamiz.

Islombek Rustambekov suhbatlashdi.