BO'SM-16 "Paxtakor"ning 60 yilligiga bag'ishlangan turnir g'olibi
16 may 2016 14:41
Yangiliklar

BO'SM-16 "Paxtakor"ning 60 yilligiga bag'ishlangan turnir g'olibi

Teglar : Paxtakor

9-13 may kunlari "CHilonzor" stadionida 2001 yilda tavallud topgan futbolchilardan iborat jamoalar o'rtasida "Paxtakor"ning 60 yilligiga bag'ishlangan turnir bo'lib o'tdi.

Musobaqada mamlakatimizning turli hududlaridan 12 jamoa ishtirok etdi. Yarim finalga guruhlardan "Paxtakor", "UzDongJu", ROZK va BO'SM-16 jamoalari yo'l olishdi. "Paxtakor" ROZKdan 3:0 hisobida ustun kelgan bo'lsa, BO'SM-16 "UzDongJu"ni 3:1 hisobida mag'lubiyatga uchratdi.

3-o'rin andijonliklarni 3:0 hisobida dog'da qoldirgan ROZK jamoasiga nasib etdi. Finalda klubimizga qarashli ikki futbol maktabi jamoalari to'qnash kelib, unda Sergey Tokov boshchiligidagi BO'SM-16 Stanislav Kudryashov qo'l ostidagi "Paxtakor"ni 1:0 hisobida mag'lub etdi.

Musobaqa yakunida eng yaxshi futbolchilar ham taqdirlandi.
Eng yaxshi darvozabon - Muhammadqodir Iminjonov "Farg'ona"
Eng yaxshi himoyachi - Nodirxon Nematxonov ROZK
Eng yaxshi yarim himoyachi - Behzod SHamsiev "Paxtakor"
Eng yaxshi hujumchi - Javohir Jumaev BO'SM-16
Eng yaxshi futbolchi - Diyor Ramazanov “Paxtakor”

Havola :

Manba : pakhtakor.uz

Yangiliklarni Telegramda o'qing!

Reyting: +1