“Borussiya” himoyachisi “Sent Eten”ga o'tdi

Francuz klubi serbiyalik futbolchi bilan 2019 yilning iyuniga qadar shartnoma imzoladi.

Subotich “Borussiya” safida 10 yil to'p tepdi. U dortmundliklar safiga 2008 yilda kelib qo'shilgandi. “Borussiya” safida ikki bor Germaniya chempionligi va ikki marta mamlakat kubogini qo'lga kiritdi. Joriy mavsumda u Bundesligada 4 ta uchrashuvda maydonga tushdi.

“Borussiya” futbolchini tekinga boshqa klubga o'tishiga rozi bo'ldi. SHartnoma futbolchining iltimosiga binoan bekor qilindi.