Bobur Yo'ldoshev: "Bunday tempdagi o'yinlar bitta golgacha bo'ladi"

Mudofaa chizig'i vakili kecha jamoasining ikkinchi goliga mualliflik qildi. 

"Buxoro" himoyaviy harakatlarda yaxshiroq to'p tepardi. Bu esa istalgan jamoaga qiyinchilik tug'diradi. Birinchi bo'limda shunday holat kuzatildi. Murabbiyimiz tanaffusda shundan kelib chiqib ko'rsatma berdi. Ikkinchi bo'limda biz o'yinni nazorat qildik, qolaversa omadimiz keldi. Avtogolni omadga bog'lagan bo'lardim. Bunday tempdagi bahslar bitta golgacha bo'ladi.

"Bunyodkor" o'yindan-o'yinga qo'shib boryapti. Futbolda g'alaba qozonaversangiz o'zingizga bo'lgan ishonch ortadi",- deydi Bobur Yo'ldoshev.