"Blekbern" va "Liverpul" o'rtasidagi ikkinchi o'yin aprel oyida bo'ladi
10 mar 2015 09:29
Yangiliklar

"Blekbern" va "Liverpul" o'rtasidagi ikkinchi o'yin aprel oyida bo'ladi

Angliya kubogi chorak finali doirasida "Blekbern" va "Liverpul" o'rtasidagi ikkinchi o'yin 7 yoki 8 aprelda bo'lib o'tadi.

O'tgan yakshanba kuni "Enfild"da jamoalar g'olibni aniqlay olishmadi - 0:0. "Blekbern" uy stadioni hisoblangan "Ivud Park"dagi o'yin 1,5 haftadan so'ng bo'lib o'tishi kerak edi.

Biroq UEFA reglamentiga ko'ra CHempionlar ligasi va Evropa ligasi o'yinlari bo'lib o'tadigan kunlarga milliy chempionat hamda kubok o'yinlarini belgilash mumkin emas. Uchrashuvni 16 mart kuni ham o'tkazib bo'lmaydi, sababi "qizillar"ning "Suonsi"ga qarshi Premer-Liga doirasidagi o'yin kutib turibdi.

SHunday qilib, "Liverpul" 7 yoki 8 aprel kuni "Blekbern" mehmoni bo'ladi. 10 kundan so'ng "Uembli"da yarim finallar bo'lib o'tadi. "Reding" va "Bredford" o'rtasidagi bahs esa 16 mart kuni bo'lib o'tadi.

"O'ylashimcha ikkinchi o'yin 7 yoki 8 aprel kuni bo'lib o'tadi. Albatta, bizning holatimiz "Reding" va "Bredford" tushib qolgan vaziyatdan ko'ra yaxshiroq. Ular shanba kuni o'yin o'tkazishadi va dushanba kuni kubokda maydonga tushishadi. Bu ikkala klubga nisbatan nohaqlik", - deydi "Liverpul" ustozi Brendan Rojers Daily Mail nashriga.

Havola :

Manba : fapl.ru

Yangiliklarni Telegramda o'qing!

Reyting: