Birinchi liga. Ikkinchi bosqich yakunlari. O'z uyida yutqazmagan “Cementchi”
24 noy 2015 17:20
Yangiliklar

Birinchi liga. Ikkinchi bosqich yakunlari. O'z uyida yutqazmagan “Cementchi”

Teglar : Cementchi

Joriy mavsumdan boshlab yana birinchi ligada ishtirok etayotgan Quvasoyning “Cementchi” jamoasi ko'pchilikni hayratlantira oldi.

Abdumalik Hakimov va Ilhom Zaylobiddinov juftligi o'z vaqtida futbolchi sifatida birga ushbu jamoada o'ynagandi. Endilikda ular birgalikda “Cementchi”ning oldingi qaddini tiklash uchun murabbiy sifatida xarakat qilmoqda. Ochig'ini aytganda, ilk mavsumidayoq yosh murabbiylar kurashchan jamoa shakllantira oldi. Quvasoy axli ham katta futbolni sog'inib qolganini “Cementchi”ning uy o'yinlaridagi ishqibozlar tashrifidan bilib olish qiyin emas.

“Cementchi” bosh murabbiyi Abdumalik Hakimov vaziyatdan kelib chiqib, asosan farg'onalik futbolchilar evaziga tarkibni shakllantirdi. Uning bu qarori yakunda to'g'ri bo'lib chiqdi. Debyut mavsumda 4-o'rin yomon emas. Aytishlaricha yaqin orada “Cementchi” ham kuchlilar safiga chiqish uchun jiddiy kurash olib boradi.

Albatta buni vaqt ko'rsatadi. Eng muhimi Quvasoyga katta futbol qaytdi. Quvasoy cement va shifer zavodi jamoa uchun moddiy tomondan qarab turibdi. “Cementchi” azolarining yil boshida “Joma” firmasining sport kiyimlari bilan to'liq taminlagani ham jamoaga bo'lgan etibor ijobiy tomonga o'zgarib borayotganidan dalolatdir.

Darvoqe, quvasoyliklar ikkinchi bosqichdagi uy o'yinlarining barchasida g'alaba qozongan yagona jamoa bo'ldi!

Quyida jamoaning ikkinchi bosqichda qayd etgan natijasi bilan batafsil tanishish imkoniyatiga ega bo'lasiz.

O'yinlar	16
Umumiy gollar	44
Uyda	29 (65,91%)
Safarda	15 (34,09%)
O'tkazib yuborilgan gollar	15
Uyda	4 (26,67%)
Safarda	11 (73,33%)
Urilgan o'rtacha gollar	2,75
O'tkazib yuborilgan o'rtacha gollar	0,94
Uydagi ochkolar	24/24 (100 %)
Safardagi ochkolar	12/24 (50 %)
Eng yirik g'alaba	6:1 – “Orol”
Eng yirik mag'lubiyat	3:6 – “Obod”
Gol o'tkazib yuborilgan o'yinlar	6 (37,5%)
Golsiz o'yinlar	2 (12,5%)
Irodali g'alaba	1
Irodali durang	2
Irodasiz mag'lubiyat	1
Irodasiz durang	0
Yirik g'alaba	7
Yirik mag'lubiyat	1
Avtogol (urilgan/o'tkazib yuborilgan)	0/0
Ogohlantirish (o'rtacha)	35 (2,19)
CHetlatish (o'rtacha) – To'g'ridan to'g'ri/2-SK	1 (0,06) - 1/0
Muxlislar tashrifi (jami/o'rtacha)	19647/1228

“Cementchi” futbolchilari ikkinchi bosqich o'yinlarida jami 44ta to'p kiritdi. Bu esa har bir uchrashuvda o'rtacha 2tadan gol demakdir. Jamoa safida Elyor Akbarov to'purarlik mahoratini namoyish etdi. Iqtidorli hujumchining ikkinchi bosqichdagi gollari soni 12tani tashkil etdi. Umumiy mavsumdagi gollari soni esa 23ta.

Kim qancha gol urdi?

Futbolchi	Gol	Pen.
Elyor Akbarov	12
Rahmatillo Meliboev	6	(3)
Alisher Fayzullaev	4
Jahongir Dadaboev	4
Nodirxon Kamolov	4	(1)
Aziz Ibragimov	3
Elyor Mamasoliev	3
Davlatbek Yorbekov	2
Dilshod Eminov	2
Baxodir Qodirov	1
Davron Mamatov	1
Jo'rabek Yoqubov	1
Abduxoliq Kurbonov	1	(1)