Birinchi liga. Ikkinchi bosqich. 2-turdan oldin qaysi jamoada imkoniyat qanday?

Tur o'yinlaridan oldin jamoalarning imkoniyatlarini chamalab ko'ramiz.

"UzDongJu" - "Alanga"
Andijonliklar ikkinchi bosqichni dastlabki turini yirik hisobdagi g'alaba bilan boshlashgan edi. Endi ular Kosonliklarni sinovdan o'tkazishadi. Ikkala jamoa ham bu o'yinga ko'tarinki kayfiyatda etib kelishgani malum. SHundan kelib chiqib xulosa qilishimiz mumkinki, bu o'yin keskin kurashlarga boy ruhda o'tishi kutilmoqda.
Imkoniyatlar: 55-45

"Paxtakor-2" - "SHo'rtan"
Bu turda toshkentlik yosh charm to'p ustalarini jiddiy sinov kutib turibdi. Ularning raqiblari anoyi jamoalardan emas. Oliy liga uchun kurashayotgan g'uzorliklar har bir uchrashuvga faqat g'alaba uchun maydonga tushishmoqda. Bahsda katta ustunlik "SHo'rtan" tomonda bo'lsada, "Paxtakor-2" osonlikcha taslim bo'lmaslikka intilishlari tabiiy.
Imkoniyatlar: 40-60

"Xotira-79" - "SHerdor"
Bu bahs ham qolgan uchrashuvlardan qolishmasligini ikkala jamoani ham teng kuchga ega ekanligi bilan bog'lashimiz mumkin. Ikkala jamoada ham kichik muammolar borligini payqab olish qiyin emas. Uychiliklar bu turda faqat g'alaba uchun maydonga tushishlari tabiiy.
Imkoniyatlar: 55-45

"Obod" - "Orol"
Oliy ligaga chiqish uchun harakat qilishi kutilayotgan jamoalardan biri bu "Obod" ekanligi bizni quvontirmoqda. Bu jamoa o'zidan ijobiy taassurot qoldirishda davom etmoqda. Nukusliklarga qarshi kechadigan uchrashuvda ham "Obod" g'alaba qozonish uchun yaxshigina imkoniyatga ega. Nematullo Quttiboev shogirdlari ham toshkentliklarga etarlicha boshog'riq bo'lishlari mumkin. Bunga misol qilib Qo'qondagi bahsni olishimiz mumkin.
Imkoniyatlar 60-40

"Istiqlol" - "Mashal-2"
Ikkinchi bosqichdagi uchrashuvlar ichidagi murosasiz o'tishi kutilayotgan uchrashuvlardan biri "Istiqlol" maydonida bo'lib o'tadi. Uchrashuvda ikkala jamoa ham g'alaba uchun harakat qilishadi. Muboraklik yosh futbolchilar safardan ochko olib qaytish ilinjida maydonga tushishlari aniq.
Imkoniyatlar 55-45

"Qo'qon-1912" - "Xorazm"
Qo'qondagi "Markaziy" o'yingohda yana bir chiroyli uchrashuv guvohiga aylanamiz. Oliy liga uchun kurashayotgan qo'qonliklar har bir uchrashuvga faqat g'alaba uchun maydonga tushishga majburlar. Ularni yana bir sinov kutib turibdi. "Xorazm" ham bo'sh kelmaslikka harakat qiladi. Ularda ham imkoniyatlar bo'ladi. Faqat shu imkoniyatlardan oqilona foydalanishsa bo'lgani.
Imkoniyatlar: 60-40


Komiljon Ikromov