Birinchi davra statistikasi. Tomoshabin to'plash bo'yicha peshqadam bo'lgan "Guliston" haqida
20 iyu 2013 12:54
Yangiliklar

Birinchi davra statistikasi. Tomoshabin to'plash bo'yicha peshqadam bo'lgan "Guliston" haqida

Oliy liga klublarining dastlabki davra statistikasi bilan tanishtirishda davom etamiz. Navbat 10 yillik tanaffusdan so'ng elitaga qaytgan “Guliston” klubiga etib keldi.

“Guliston” dastlabki davrada 4ta g'alaba, 2ta durang va 7ta mag'lubiyat natijasini qayd etdi. Jamoa 13ta o'yinda jami 9ta to'p kiritdi va 22 marta to'p o'tkazib yubordi. “Guliston” birinchi davrani 14ochko bilan 9-o'rinda yakunladi.

Gulistonliklar o'z maydonida ham safarda ham 11tadan gol o'tkazib yubordi. O'z maydonidagi o'yinlarda 10 ochko qo'lga kiritilgan bo'lsa, safarda 4 ochkoga ega bo'ldi. “Guliston” birinchi davra davomida 4ta o'yinda yirik hisobda yutqazib qo'ydi. Jamoa 7ta o'yinda raqib darvozasiga yo'l topa olmagan va 4ta uchrashuvda raqiblar “Guliston” darvozasiga gol ura olishmadi. Hakamlar futbolchilarga jami 22ta sariq ko'rsatishdi. Baxtiyor Ashurmatov birinchi davrada 21 nafar futbolchining xizmatidan foydalanishga qaror qildi. “Guliston” klubi o'yinlariga birinchi davrada eng ko'p (90922 nafar) tomoshabin keldi. Boshqa hech bir jamoa ishtirokidagi o'yinlarga 90 mingdan ortiq tomoshabin kelmagan.

Uchta futbolchi, Sarvar Jo'raev, Ibrohim Rahimov va Akbar Sattaev barcha 13ta o'yinda o'zgarishlarsiz maydonda harakat qilishdi. Jamoa safida 3ta futbolchi 2tadan gol urib klub to'purari bo'lishdi – Nosir Otaqo'ziev, Elyor Jahonov va Alisher SHog'ulomov. “Guliston” safida Robbim Hasanova Bobirjon Akbarov eng ko'p, to'rttadan sariq kartochka olishdi. Birinchi davrada jamoa tarkibida hech kim qizil kartochka olgani yo'q.

Kechroq “Olmaliq” klubining statistikasi beriladi.

Futbolchi	Amplua	O'yin	Daq	Gol	SK	QK
Jo'raev Sarvar	Him	13	1170	0	1	0
Rahimov Ibrohim	Him	13	1170	0	1	0
Sattaev Akbar	Him	13	1170	0	2	0
Hasanov Robbim	Yahm	12	1014	1	4	0
Otaqo'ziev Nosir	Huj	12	1009	2	1	0
Jahonov Elyor	Him	12	928	2	2	0
Akbarov Bobirjon	Him	11	884	1	4	0
Usmonxo'jaev Sobir	Yahm	11	831	0	1	0
Yo'ldoshev Xurshid	Yahm	11	559	1	0	0
Qoraqulov Zafarjon	Yahm	11	526	0	0	0
SHog'ulomov Alisher	Huj	10	459	2	1	0
Xayrov Ilyos	Huj	9	694	0	1	0
Boev Konstantin	Huj	8	335	0	0	0
SHamsiddinov Toxirjon	Him	7	416	0	1	0
Usmonov Doniyorjon	Dar	6	540	0	1	0
Otajonov Jasurbek	Him	5	237	0	1	0
Djumanov Ilhom	Dar	4	315	0	0	0
CHilmatov Hislat	Dar	4	315	0	0	0
Qurbonov Mirjalol	Him	4	175	0	1	0
Qodirov Rustam	Yahm	3	65	0	0	0
Ergashev Alisher	Huj	3	58	0	0	0

O'yinlar	13
Gollar	9
O'z uyidagi gollar	6 (66,67%)
Mehmondagi gollar	3 (33,33%)
O'tkazib yuborilgan gollar	22
O'z uyida o'tkazilgan gollar	11 (50%)
Mehmonda o'tkazilgan gollar	11 (50%)
O'rtacha urilgan gol	0,69
O'tacha o'tkazilgan gol	1,69
Uyda jamg'arilgan ochkolar	10/18 (55,56 %)
Safarda jamg'arilgan ochkolar	4/21 (19,05 %)
Eng yirik g'alabasi	2:0 - Qizilqum
Eng yirik mag'lubiyati	1:5 - Lokomotiv
Gol o'tkazilmagan o'yinlar soni	4 (30,77%)
Gol urilmagan o'yinlar soni	7 (53,85%)
Irodali g'alabalar	0
Irodali duranglar	0
Yirik g'alabalar	0
Yirik mag'lubiyatlar	4
Avtogollar (urilgan/o'tkazilgan)	0/1
Ogohlantirishlar (o'rtacha)	22 (1,69)
CHetlatish (o'rtacha)	0 (0)
Maydonga tushganlar (chet ellik)	21 (0)
Tomoshabinlar soni (jami/o'rtacha)	90922 / 6994