Bir qop kartoshka, sabzi, tuxum va 5 gb internet

"Man of the match" yoki o'zimizning tilda aytganda uchrashuvning eng yaxshi futbolchisiga sovrin topshirish – futbolda odatiy holga aylanib ulgurganiga ancha bo'lgan. Biroq bazida tashkilotchilar mazkur masalaga anchayin kreativ ruhda yondashishadi hamda chinakamiga hayron qoldira olishadi. Statuetka, esdalik sovg'asi yoki faxriy yorliqlar emas. Faqatgina foydali, har bir futbolchining hayotida as qotadigan, foydalansa bo'ladigan va fantaziyaning chegarasi yo'qligini isbotlaydigan tuhfa.

Misol uchun, Belarus Ikkinchi ligasida o'yinning eng yaxshi futbolchisiga bir chelak qo'ziqorin topshirishdi. Bundan ilhomlangan futbol vatani vakillari o'zlarini uzoq kuttirishmadi. Mahalliy "Yovil Taun" klubi futbolchisi Josh Simsga mavsumdagi birinchi gol uchun 25 kilogrammlik qopda kartoshka sovg'a qildi. Norvegiyaning "Brann" klubi chellenjni davom ettirdimi yoki bu shunchaki tasodifiy tashabbusmi, ammo MOTM`ga 500 kg sabzi! Mish-mishlarga qaraganda ushbu voqeadan so'ng futbolchi mahalliy savdogarlar bilan hamkorlik o'rnatish borasida ishlarni boshlab yuborgan.  

Eng yaxshi futbolchi sovriniga bog'liq qiziqarli holatlar shu bilan tugadi deb o'ylayotgan bo'lsangiz, adashasiz. Tirik tovuq, tekin 5 gb mobil internet trafigi, ulkan baliq? Marhamat! 

Qiziq tomoni, mazkur sovg'alardan biri bugungi kunda mashhur yulduzga aylangan, Londonning "Arsenal" jamoasi etakchilaridan biri Martin Edegorga nasib qilgan.