Bert van Marveyk: "Xayolimda faqat bir narsa bor, BAAni jahon chempionatiga olib chiqish"

Malumki, yaqinda BAA termasida bosh murabbiy o'zgardi. Italiyalik Alberto Zakkeroni o'z lavozimini tark etib, o'rnini Bert van Marveyk egalladi. Gollandiyalik mutaxassis yangi jamoa bosh murabbiyi sifatida dastlabki intervyusini berdi: 

"Meni faqat bir maqsadda chaqirishdi. Rahbariyat terma jamoani jahon chempionatida ko'rishni xohlayapti. Buni amalga oshirsa bo'ladimi? Nega endi bo'lmasligi kerak, axir o'zimga ishonmaganimda hozir bu erda o'tirmasdim". 

"Mundial yo'llanmasini qo'lga kiritish oson emas, buning uchun uzoq va muvaffaqiyatli yo'lni bosib o'tish kerak bo'ladi. Eng avval qurani kutishimiz kerak. Men Saudiya Arabistonida ishlab bu jamoani jahon chempionatiga olib chiqdim. BAA terma jamoasi ham saudiyaliklar bilan bir xil darajada shunday ekan, BAAni ham mundialga olib chiqsa bo'ladi". 

"Men Saudiya Arabistoni bosh murabbiyi sifatida BAAga qarshi to'rtta o'yin o'tkazganman, shu bois bu jamoa kuchini juda yaxshi bilaman. Men shu paytgacha ikki bor jahon chempionatida qatnashganman. Gollandiya bilan ikkinchi o'rinni olganimni ham yaxshi bilasizlar. Endi BAA termasi bosh murabbiyi sifatida uchinchi marta borishni xohlayman. Hozir xayolimda faqat bir narsa bor: amirlik jamoasi bilan JCH-2022da ishtirok etish".