Франциялик футболчи 14 йил давомида “қаймоқранглилар” сафида ўйнаган ва 2023 йилда Саудия Арабистонига кўчиб ўтган. 37 ёшли футболчининг амалдаги битими 2025/26 йилги мавсум охиригача амал қилади.
“Фаолиятимни якунлаганимдан кейин футболга яқинроқ бўлишни хоҳлардим. Ҳа, Флорентино Перес билан. Мен "Реал"га қайтган бўлардим, нега энди йўқ?", – деди форвард.
Карим Бензема жорий мавсум "Ал Иттиҳод” сафида 21 ўйинда қатнашиб, 18 та тўп киритди ҳамда 7 та голга ассистентлик қилди.
