Беларусь чемпионати 4-тур доирасида ҳамюртларимиз Жасурбек Яхшибоев ва Шаҳбоз Умаров ҳаракат қилаётган "Энергетик-БГУ" жамоаси меҳмонда "Торпедо БелАЗ"га қарши куч синашади. Ўйин Тошкент вақти билан соат 18:00да бошланади. Баҳс "Матч ТВ" телеканали томонидан тўғридан-тўғри намойиш этилади.
Таъкидлаш керакки, Яхшибоев 3 турдан 3та гол ва 1та ассист қайд этган ҳолда чемпионатнинг энг самарали ўйинчиси бўлиб турибди. "Энергетик-БГУ" эса 3та турда 3 ғалабага эришган ҳолда жадвалда пешқадамлик қилмоқда. Аммо, кеча хабар берганимиздек Яхшибоев жароҳат олган ва бугун ўйинни ўтказиб юбориши мумкин.
