Baxtiyor Sattarov: "Mavsum hali davom etadi..."
30 okt 2015 22:35
Yangiliklar
![](https://championat.asia/upload/storage/187265_original.jpg)
![](/upload/storage/187265_220.jpg)
Baxtiyor Sattarov: "Mavsum hali davom etadi..."
"Bugungi
uchrashuv og'ir kechishini bilar edik. Turnir jadvalidagi ikkinchi va uchinchi
jamoalar o'yinlar har doim shiddatli kechadi. Barcha turnirlarda bunday
o'rinda joylashgan jamoalar bahsi murosasiz kechadi. "Mashal" yoshlari har
doim eng yuqori o'rinlar uchun kurashib kelgan. Har ikki jamoalarda ko'plab
imkoniyatlar bo'lishiga qaramay o'yin taqdirini yagona gol hal etdi. Taktik
jihatda kuchli tayyorgarlikka ega edik. Birinchi bo'limda qarshi hujumda o'yin
ko'rsatdik va maydonda ikkinchi raqamda bo'ldik. Ikkinchi bo'limda tezkor
qarshi hujumlarga tayanib o'yin ko'rsatishni istagan edik. Bu tanlagan
uslubimiz samara berdi deya olaman. Toshpo'latov raqib darvozabonini xato
qilishga majbur qildi. Bundan samarali foydalanganimiz yigitlarga ishonch
berdi. SHundan keyin o'yin temp bizga o'tdi va Maradona ham juda qulay
vaziyat yuzaga kelgan edi. Undan tashqari Murtozaev, Yuldashevda ham qulay
imkoniyatlar yuzaga kelgan edi lekin oxirgi vaziyatlarda aniqlik etishmadi.
"Paxtakor" juda ham hujumkor o'yin ko'rsatdi. Bekorga ikkinchi o'rinda
emasligini maydonda ko'rsatishga harakat qildi. Ularda ham yaxshi
imkoniyatlar bo'lgan edi. Darvozabonimiz Javohir Ilyosov jamoani gollardan
qutqardi deya olaman" , - deydi yoshlarimiz bosh murabbiyi
- Yoshlarimiz ushbu mavsum ham kamida medallardan biriga egalik qiladi. Bu borada fikrlaringiz qanday ?
Bizning
asosiy maqsadimiz oldin ham aytib o'tganimdek asosiy tarkib uchun munosib
futbolchilar tayyorlashdir. SHu bois birinchi navbatdagi o'yin sifatiga katta
etibor qaratamiz. Medallar haqida gapiradigan bo'lsam , hali mavsum
yakunlangan yo'q. Biroq biz allaqachon chempionlikdan uzoqlashib bo'ldik. Endi
kumush medallar uchun harakat qilamiz. Biroq vaziyat faqat o'zimizga bog'liq
emas. Biz faqat o'zimizni o'yinni ko'rsatamiz va munosib futbolchilarga
imkoniyat beramiz.
- O'tgan yili chempionlikni qo'lga
kiritgan jamoa, bu mavsum bronza sohibiga aylanib bo'ldi. Bundan va butun
mavsumdan ko'nglingiz qay darajada to'lmoqda?
Yuqorida
aytganimdek hali mavsum davom etadi. Kumush uchun harakatni ham davom
ettiramiz. O'tgan uchrashuvlarda yo'l qo'yilgan jiddiy xatolar bugun
medallarga ham tasir o'tkazmoqda. Bu jamoa bemmalol chempionlik uchun
kurash oladigan jamoa deb o'ylayman. Etarlicha iqtidorli futbolchilar bor.
"Andijon", "Buxoro" va "Bunyodkor" bilan o'yinda yo'l qo'yilgan kichik
xatolar yakunda bizni chempionlikdan mahrum qilmoqda. Futbolda kichik
xatolar kechirilmaydi. Mavsum hali davom etadi ...
O’xshash yangiliklar
![AMP Logo](https://championat.asia/image/logo-amp.png)
Fikrlar