Baxtiyor Qambaraliev: "Iordaniyani bugun 2:1 hisobida mag'lub etamiz degan taxminim bor"

Bugun milliy terma jamoamizning Iordaniya qarshi kechadigan o'yini oldidan Qambaralievning ham fikrlarini tingladik.

- Iordaniya bilan qiziqarli o'yin bo'lishini aytish mumkin. Ilgari ham bu raqibga qarshi o'ynaganmiz. Bugun ulardan o'ziga xos revansh olishimiz kerak. Yigitlar buni juda yaxshi tushunib turgan bo'lsa kerak.

- Milliy terma jamoamizda avlodlar almashinuvi yuza kelgan davr. Osiyo chempionatiga boradigan yoshi katta ikki nafar futbolchi nomi malum bo'ldi. Faqat murabbiyning aytishicha, qolgan bitta o'rin SHodiev yoki Tojievga tegadi. Albatta buni yaqin ikki o'yindan so'ng bilib olamiz. Mirjalol Qosimov aslida Osiyo o'yinlariga legionerlarimizni olib ketishni rejalashtirgandi. Biroq FIFA kunlari bo'lmagani uchun ham bu ish amalga oshmaydi. Menimcha agarda Odil Ahmedov, Aziz Haydarov va Server Jeparov singari o'yinchilar borganida, terma jamoamiz yanada kuchli bo'lardi. Lekin hozirgi o'zimizning mahalliy yigitlar Fozil Musaev bilan Islom To'xtaxo'jaevda ham xalqaro tajriba etarli deb bilaman. Nasib qilsa ular yoshlarga har tomonlama o'rnak bo'la oladi.

- Yangi Zelandiya bilan o'yin haqida hozirdan bir nima deyishim qiyin. Lekin bugun Iordaniyani 2:1 hisobida mag'lub etamiz degan taxminim bor.


Islombek Rustambekov suhbatlashdi