Baxtiyor Boboev: "Bu yil OCHLda kamida guruh bosqichidan chiqishga urinamiz"

Baxtiyor Boboev (“Bunyodkor” bosh direktori): “Bu yil yurtimizda Xalq bilan muloqot va inson manfaatlari yili deb elon qilindi. SHu bois sizlar bilan muloqot qilish maqsadida bu erga yig'ildik. Yangi mavsumga tayyorgarlik haqida nima deyishim mumkin. Biz doim o'z oldimizga yuqori maqsadlarni qo'yganmiz. Klubimiz safida o'z tarbiyalanuvchilarimiz o'ynashi asosiy maqsadimiz hisoblanadi. O'tgan mavsum oliy ligada jamoamiz ikkinchi o'rinni oldi, yoshlar ligasida esa chempion bo'ldik. OCHL pley-off bosqichidan muvaffaqiyatli o'tdik. 

Bu yilgi ilk rasmiy o'yinda yosh futbolchilar Nurillo To'xtasinov va Javohir Esonqulov maydonga tushishdi. Ular o'zlarini xalqaro maydonda yo'qotib qo'yishmadi. Bundan tashqari yana bir qator yosh futbolchilar asosiy tarkibga yaqin kelishmoqda. 

Eldor SHomurodov, Dostonbek Hamdamov va Otabek SHukurovga xorijdan takliflar bor. Bu futbolchilar borasida o'sha klublari bilan muzokara ketmoqda. Agar Evropaning nomi chiqqan klublari bilan kelisha olsak ularni qo'yib yuboramiz. CHunki yosh futbolchilar o'sishlari kerak.

OCHL guruh bosqichidagi ilk o'yinni Saudiya Arabistonida “Al Ahli”ga qarshi o'tkazamiz. So'nggi yillarda jamoamiz guruhdan chiqa olmayapti. Bu yil guruhimiz juda kuchli klublardan iborat bo'lishiga qaramay qora ananaga barham berib, kamida guruh bosqichidan chiqishga urinamiz.

Bunday tadbirlar har 3 oyda o'tkazilishi tarafdoriman. Muxlislar ham, jurnalistlarda ham klubimiz borasida savollar bo'lsa shunday tadbirlarda bemalol berishlari mumkin".