Baxtiyor Ashurmatov: "Yuqori o'rinlarni ko'zlasak, bunday bahslarda g'alaba qozonishimiz lozim"

"Gapni ochig'i, bugungi o'yindan keyin biror fikr bildirish qiyin. CHunki, yigitlar o'zlarini o'yinga bag'ishlashdi, yakkakurashlarda yomon o'ynashmadi. Harakat qilishdi. Lekin, afsuski futbol beshavqat. Besh daqiqa ichida ikkita gol qo'yib yubordik. Bugun "Qizilqum" jamoasi omadli bo'ldi va g'alabaga erishdi. Ularni g'alaba bilan tabriklayman. Mag'lubiyatga uchragan bo'lsak-da, birorta futbolchimga etiroz bildira olmayman. Mayda xatolar ikkita golga olib keldi. Ohirgi o'yinlarda standart vaziyatlardan ko'p gol qo'yib yubormoqdamiz. Bu kamchiliklarimizdan biri. Bugun ham oddiy autdan so'ng to'p o'tkazib yubordik. "Buxoro" bilan o'yinda ham shu narsa bo'lgandi. Himoyalanishni o'zgartirishimiz yani zonali himoyaga o'tishimiz kerakdir balki. 

Hisob 1:1 bo'lib turganda ham bizda vaziyat bo'ldi. Sardor Azimov birga-bir vaziyatdan foydalana olmadi. "Qizilqum" hech qancha o'tmasdan g'alaba to'pini kiritib ketdi. 

O'yinning oxirida uch himoyachi bilan o'ynadik va katta kuch bilan hujumga o'tgandik. Tavakkal qilgandik. Afsuski, bu o'zgarishlar samara keltirmadi. Biz juda ham og'ir mag'lubiyatga uchradik. Negaki, hozir biz shunaqangi vaziyatdamiz, yoki yuqori o'rinlardan biriga chiqishimiz yoki joyimizda qolishimiz mumkin edi. Ammo bugungi yo'qotilgan uch ochko imkoniyatlarimizni pasaytirib yubordi. Yuqori o'rinlarni ko'zlasak, bunday bahslarda g'alaba qozonishimiz lozim. To'g'ri, hali oldinda o'yinlar bor. Lekin juda qimmatli ochkoni boy berdik. 

Yakuba Bamba o'yinga yomon kirishib ketmadi. O'yinni kuchaytirdi deb aytishim mumkin. Bugun mehmonda to'p surganimiz tufayli bitta hujumchi - Norbekov bilan o'yinni boshladik. Norbekov Rayevacdan ko'ra tezroq va shuning uchun uni asosiy tarkibda maydonga tushirdik",- deydi Baxtiyor Ashurmatov.