Baxtiyor Ashurmatov: "Tarixiy g'alabaga erishdik"

- "To'g'risi, birinchi bo'limdagi “Nasaf”ning tezkor o'yini bizni ancha xavotirga solib qo'ydi. Berdiev juda yosh va kurashuvchan jamoa tuzgan. Biz “Nasaf”ning o'tgan turdagi “Qo'qon-1912” jamoasi bilan o'yinini ko'rib chiqqan edik va bundan ancha xavfsiragandik. Lekin futbolchilarimiz bu o'yinga tuzgan rejalarimiz va ko'rsatmalarni to'liq bajarishga harakat qilishdi".

- "Qiyin o'yinda g'alaba qozondik. SHaxsan “Nasaf” jamoasi o'yinchilariga ham, o'zimizni yigitlarga ham bugun ko'rsatgan o'yin uchun tashakkur bildiraman. Menimcha, stadionga tashrif buyurgan muxlislar mazmunli futbol tomosha qilishdi. Bugungi g'alaba orqali futbolchilarimiz bilan faxrlanaman. Muxlislarimizni ham xursand qila oldik. To'g'ri, biz kamroq g'alaba qozonayapmiz. Muxlislarimiz ham g'alabani sog'inib qolishgan edi. Bugun buni uddaladik". 

- "Agar yigitlar shunday ishtiyoq bilan o'ynashsa, albatta qiyin vaziyatdan chiqib keta olamiz. Nasib etsa, turnir jadvalidagi holatni yaxshilab olamiz. Albatta, bugun biz Qarshida tarixiy g'alabaga erishdik. "Qora anana"ga barham bera oldik. Yigitlarga bu haqda takidlagan edim. Buni ular uddalay olishdi. Omad ham biz tomonda bo'ldi. Maboda “Nasaf” birinchi bo'limdagi vaziyatlardan foydalana olganida, bizga qiyin bo'lardi".

Zohir Primov (AGMK yarim himoyachisi): - "Bugun futbol ishqibozlari juda qiziqarli uchrashuv guvohi bo'lishdi. Murabbiylarimiz bergan ko'rsatmalarni butun jamoa bo'lib to'g'ri bajarishga harakat qildik. SHuning evaziga g'alaba qozondik. Ikkinchi bo'lim oldidan murabbiylarimiz faqat himoyada emas, hujumlar ham tashkil etishimizni takidlagan edi. SHunga harakat qildik va g'alabaga erishdik".

"Nasaf" PFK matbuot xizmati.