Baxtiyor Ashurmatov: "Sirdaryolik muxlislarga tan berdim"

"Butun mavsum mobaynida bizni qo'llab quvvatlab turgan sirdaryolik ashaddiy muxlislar oldida juda hijolatdaman. Har qanday vaziyatda ham ular bizdan yuz o'girishmadi. Hatto mag'lubiyatlarimizni ham to'g'ri qabul qilib, jamoamiz azolariga dalda bo'lishdi. Odatda, oliy liga bilan xayrlashgani klubni mahalliy ishqibozlar to'g'ri so'zlar bilan haqorat qilishadi, shaxsiyatingizga tegishadi. Bugun esa buning aksini ko'rdim. Garchi, kuchlilar safini tark etgan bo'lsakda, “Qizilqum”ga qarshi kechgan uchrashuv yakuniga etgach, jamoamiz ishqibozlari shogirdlarimni olqishlar ostida kuzatib qo'yishdi. Futbolchilik faoliyatim davomida nafaqat mamlaktimiz balki xorij klublari safida maydonga tushganman. Ammo bunday sadoqatli, o'z jamoasiga mehr qo'ygan Sirdaryo viloyati ishqibozlaridek fanatlarni ko'rmaganman. Barchasi uchun uzr so'rayman va ularga tazim qilaman. Boshqa klub ixlosmandlariga ham xuddi sirdaryoliklardek fidoiy bo'lishlarini istab qolaman. Klub rahbariyati va futbolchilar bilan birgalikda ishlab o'z mahoratimni oshirdim. Bu erda orttirgan tajribam kelgusi faoliyatimda qo'l kelishi shubhasiz. Bahs xususida nima deyishim mumkin?! Omad bizdan ochiqchasiga yuz o'girdi. Mehmonlar darvozasi oldida bir qator golli vaziyatlarni yuzaga keltirdik. Zarafshonliklar posboni ham o'z o'rnida ishonchli harakat qildi. Hal qiluvchi zarbani yo'llashda yigitlarga aniqlik etishmadi. Raqib esa qarshi hujumda bizni munosib jazoladi", - deydi Ashurmatov.