Baxtiyor Ashurmatov: "O'yin barchani oxirgacha xayajonda ushlab turdi"
09 avg 2015 08:04
Yangiliklar
![](https://championat.asia/upload/storage/179058_original.jpg)
![](/upload/storage/179058_220.jpg)
Baxtiyor Ashurmatov: "O'yin barchani oxirgacha xayajonda ushlab turdi"
"Metallurg" - ajoyib jamoa. Ular so'nggi o'yinlarda mag'lubiyatga uchramay kelishayotgandi. Rustam aka Mirsodiqovni esa O'zbekistonning eng kuchli mutaxassislaridan va o'zimning ustozlarimdan biri deb bilaman. Uchrashuvdan avval yigitlarga Rustam aka o'z shogirdlarini o'yinga qanday ruhlantira olishi va bekobodliklar jangovor jamoa ekanligini takidlab o'tgandim. Biz ham shunga yarasha tayyorgarlik ko'rgandik. Xudoga shukr, bugun futbolchilarim ko'rsatmalarni aniq bajarishdi va g'alaba qozonishga muvaffaq bo'ldik. SHu sababli yigitlarga jangovor o'yin namoyish etishgani, oxirigacha kurashishgani uchun ularning oldiga kirganimda ham katta minnatdorchilik bildirdim. Agar shunday o'yin ko'rsatishda davom etsak, o'zimizga kerakli ochkolarni qo'lga kiritamiz.
Bellashuv oxirigacha barchani xayajonda ushlab turdi. Namangandan bizni qo'llab-quvvatlash uchun muxlislarimizning kelgani ham o'yinchilarga qo'shimcha dalda bo'ldi. Jamoamiz nomidan muxlislarga tashakkur aytaman. "Metallurg" o'yinini gapirishni istamagan bo'lardim. Raqib to'g'risida faqat ijobiy fikr aytishim mumkin. CHunki ular kuchli hujum chizig'iga ega. SHahzod Nurmatov mamlakatimizda individual tarafdan eng kuchli hujumchilardan biri. Futbolda har bir jamoa maydonga g'alaba uchun chiqadi. Lekin, bunda kimdir mag'lubiyatga uchraydi, kimdir g'alaba qozonadi. Bugun omad biz tomonda bo'ldi. SHu sababli uch ochkoga ega bo'ldik. Uchrashuvga to'xtaladigan bo'lsam, bahs teng kurashlar ostida kechdi. Har ikki jamoa g'alabaga loyiq o'yin namoyish etishdi. Birinchi davrada qaysidir vaziyatlarda jamoaga kamroq etibor berganim tasir qilgan bo'lishi mumkin. Buni muxlislar ham takidlashar edi. Klubning o'z muammolari bor edi. Davralar oralig'ida ushbu muammolarni bartaraf etish ustida ishladik. Murabbiylar shtabida o'zgarish bo'ldi.
Yani jismoniy tayyorgarlik bo'yicha Aleksandr Genadevich Volkovni "Navbahor"ga taklif qildik. Eng asosiysi - jamoada "yurakdan o'ynayman, oxirigacha kurashaman" degan o'yinchilar qoldi. SHuning uchun klubdan ketmoqchi bo'lganlarga ruxsat berdik. Kamida 4-5 futbolchimizga boshqa jamoalardan taklif tushgandi. Misol uchun Sanat SHixov, Dilshod Jabborov, SHahboz Erkinovga bir nechta jamoa murojaat etgandi. Lekin, ular bu takliflar ustida o'ylab ham o'tirishmadi. B futbolchilar yil oxirigacha "lochinlar" bilan qolish istagini bildirishgani jamoani axil bo'lishiga sabab bo'ldi deb o'ylayman".
O’xshash yangiliklar
![AMP Logo](https://championat.asia/image/logo-amp.png)
Fikrlar