Baxtiyor Ashurmatov: "Mag'lubiyat uchun muxlislardan uzr so'rayman"

"Bugungi o'yin uchun muxlislardan uzr so'ragan bo'lardim. Raqib vaziyatlardan unumli foydalandi haqli ravishda g'alaba qozondi. "Lokomotiv" safida individual kuchli futbolchilar ko'proq edi. Birinchi bo'limni 5 himoyachi bilan boshladik, ammo Sardor Mirzaevning golidan so'ng ikki hujumchi bilan harakat qila boshladik. Vaziyatlar yaratdik, ammo aytganimdek raqib o'z vaziyatidan unumli foydalandi. Biz ikki to'p farqi bilan ortda qolayotganda hujumga ko'proq o'tdik, sababi tavakkal qilishga majbur edik. Maqsadimiz chempionatmi yoki kubok bahsimi har bir o'yinda g'alaba qozonish", - deydi Ashurmatov.

"Andijon" matbuot xizmati