Baxtiyor Ashurmatov: "Bunyodkor" futbolchilarning individual mahorati evaziga g'alaba qozondi"

"Bunyodkor" bugun klass va indvidual mahorat evaziga g'alaba qozondi. Raqib tarkibidagi futbolchilar bejizga terma jamoaga chaqirilmayotganliklarini isbotlashdi. Tarkibimizda yo'qotishlar bor. Oxirgi o'yinlarda optimal tarkibni yig'a olmayapmiz.

Bizda 3 nafar teng kuchli darvozabonlar bor. Hammasiga imkoniyat berilgan. Har bir o'tkazilgan golda darvozabonning aybi bo'ladi. Lekin bugungi posbonimiz yaqqol xato qilmadi.

"Bunyodkor"dek kuchli jamoaga qarshi 0:0 hisobini qancha ko'p ushlab tursak, raqib asabiylashishi va bizda imkoniyatlar bo'lishini bilardik. Ammo rejamiz ish bermadi. Raqib tezkor gol urdi. Bahona qilmoqchi emasman, yutqazgan o'yinlarda murabbiy va jamoa yutqazadi", - deydi Ashurmatov.

"Bunyodkor" matbuot xizmati