Baxtiyor Ashurmatov: “Ayni paytda chiroyli o'yindan ko'ra natija muhimroq”

"Bugun bizni qo'llab turgan muxlislarga katta rahmat aytmoqchiman. Tan olish kerak bugun o'yinimiz chiqmadi, lekin aynan muxlislarning qo'llab quvvatlashi tufayli yigitlar oxirigacha kurashishdi va g'alabaga erishdik. Andijon xalqini va klub rahbariyatini bugungi g'alaba bilan tabriklayman. Bugungi g'alabaning asosiy omili muxlislarimiz bo'lishdi. Bu futbolchilarga qo'shimcha kuch bag'ishladi. "Neftchi" jamoasi o'zidan yaxshi taassurot qoldirdi. Ular himoyada o'ynab qarshi hujumga o'tishlarini bilardik. Irodali g'alabaga erisha oldik. Hamjihatlik evaziga 3 ochko oldik.

O'yindan oldin muxlislar oldida ishonchni yo'qotib qo'yishdan qo'rqqandim. Sababi bundan oldingi 3ta o'yinda yutqazib qo'ygandik. Ayni paytda chiroyli o'yindan ko'ra natija muhimroq.

Uchta hujumchi bilan o'yinni boshladik, bu tavakkal edi. Ibrohim Otaxonov bir taym davomida juda ko'p kuch sarflamoqda, shu bois uning o'rniga boshqa futbolchi tushirayapman. G'ulom O'runovda standart vaziyatlardan foydalanish hususiyati borligi uchun maydonga tushirdim. Muammolarimiz etarlicha, buning ustida ishlashda davom etamiz. Bugun futbolchilar ko'p xato qilishganiga sabab dastlabki 3ta turdagi mag'lubiyatlar deb bilaman", - deydi Ashurmatov.

"Andijon" matbuot xizmati