"Bavariya" ustidan qozonilgan yirik g'alabadan so'ng Klopp matbuot-anjumanida ishtirok etdi

"Bu g'alabaga boshqalar kabi pozitiv qaramagan bo'lardim, chunki hozir ham tayyorgarlik jarayonidamiz va o'yinimizni yaxshilash haqida o'ylashimiz lozim. Birinchi bo'limda ikkita gol urdik, ammo "Bavariya"ga to'pni berib qo'ydik va natijada juda ko'p yugurdik. Jamoam qanchalik yaxshi o'ynay olishini ko'rsatdi. Birinchi bo'limda qarshi hujumlarni yaxshi uddaladik, himoyada pressing uyushtirdik.

Starrij borasida gapiradigan bo'lsam, uning jarohati qay darajada ekanligini aytolmayman. U sonini shikastlab oldi. Starrij mavsumga juda yaxshi tayyorgarlik ko'rdi, bu shunchaki kichik jarohat va u tez orada safga qaytishiga umid qilaman. U ajoyib gol urdi" - deydi Klopp.