"Bavariya" "Torino" himoyachisi bilan muzokara o'tkazmoqda

Nemis klubi allaqachon futbolchi bilan muzokaralarga kirishgan. Bu haqda Sport1 xabar bermoqda.

Manba xabariga ko'ra, "Bavariya" 24 yoshli braziliyalik futbolchi uchun yozgi transfer oynasida 15 million evro to'lashi mumkin. Nemis klubi Bremerni "CHelsi" himoyachisi Andreas Kristensendan keyingi muqobil variant sifatida ko'rmoqda.

Bremer "Torino"ga 2018 yilda "Atletiko Mineyro"dan 5,8 million evro evaziga kelib qo'shilgan. Himoyachi joriy mavsumda A Seriyada 22 o'yinda maydonga tushib, 2 ta gol urdi va 1 ta golli uzatmani amalga oshirdi.

Bremerning "Torino" bilan shartnomasi 2024 yilda yakuniga etadi.