"Bavariya" Germaniya kubogi finalida "Borussiya D" bilan o'ynaydi

Germaniya kubogi. Yarim final.

"Bavariya" - "Kayzerslautern" 5:1

"Alyanc-Arena" stadioni.

Gollar: SHvaynshtayger (23), Koos (32), Myuller (50-penaltidan), Zoller (62), Manjukich (79), Gyotce (90)

"Bavariya": Reder, Boateng, Alaba (Rafinya, 81), Dante, Lam, SHvaynshtayger (Xavi Martines, 75), Myuller, Kroos, Riberi, Robben (Getce, 61), Manjukich.

"Kayzerslautern" : Zippel, Xaync, Leve (Fortunis, 69), Dik, Orban, Zimmer, Ring, Torrexon, Yenssen (Idrissu, 77), Matmur, Coller (Lakich, 80).

Ogohlantirish: Dik (56)

                              MATNLI TRANSLYACIYA
                                       YANGILASH


"Bavariya" muxlislari g'alaba va final yo'llanmasi bilan tabriklaymiz! Germaniya futboli shaydolarini va shuningdek barcha futbol ishqibozlarini esa super-dahshatli final bellashuvi kutib turadi!
"Bavariya" - "Borussiya Dortmund"! Bundanda chiroyli va kuchliroq to'qnashuvni o'ylab topish qiyin! Germaniya finali haqiqiy futbol-shousiga aylanib ketishi kafolatlanadi! Bugungi o'yinni SHahboz Beg'amov sharhlab bordi. Etiboringiz uchun tashakkur! Sog'-salomat bo'ling! Tuningiz xayrli o'tsin!

Hakam o'yinga hech qancha vaqt qo'shib bermadi. Bu Germaniyada odatiy hol. O'yin taqdiri aniq edi va hakam uchrashuv tugaganligini bildiruvchi xushtakni chaldi! "Bavariya" finalda!

90` GOOOOOOOOOOOOOOOOOOOOOOOOOOOOL! Mario Gyotce! Mario Gyotcega tasanno! Gyotce va Riberi raqib jarima maydonchasi ichida istashgancha harakat qilishdi va yakunda Gyotce ajoyib gol muallifi bo'ldi. 5:1!

88` Jamoalar hakam xushtagini kutib o'ynashmoqda desak mubolag'a bo'lmaydi...

86` "Bavariya" muxlislari bayramni boshlab yuborishgan. "Kayzerslautern" ishqibozlari ham qo'shiq aytishda davom etishmoqda. Ular o'z jamoalaridan xursandlar. Buni tushunsa bo'ladi, sababi ular dunyoning eng kuchli jamoasidan biriga imkoniyatni boy berishmoqda. Va mehmonda gol urishni ham uddasidan chiqishdi. Ushbu jamoa va muxlislariga ham tasanno desak arziydi!

83` Mario Manjukich o'yinda dubl qayd etishi mumkin edi. Uning boshi bilan yo'llagan zarbasi shundoqqina darvoza oldidan o'tib ketdi.

81` O'zgarishlar ruy berdi. Alaba o'rniga Rafinya va mehmonlar tarkibida Lakich Zimmerni almashtirdi.

79` GOOOOOOOOOOOOOOLLLLLL! Mario Manjukich! 4:1! "Kayzerslautern" himoyachilari biroz "uxlab" qolishdi. Gyotce jarima maydonchasi tomon kirib kelishda Manjukichni topdi va unga to'pni uzatdi. Mario Manjukich esa darvoza tomon ikki qadam tashladi va kuli zarbasi bilan SHippel darvozasiga to'rtinchi golni kiritdi.

78` Mehmonlar tarkibida o'zgarish: Yennsen o'rniga Idrissu maydonga tushdi.

75` Birinchi gol muallifi Bastian SHvaynshtayger o'rniga Xavi Martinez maydonga tushirildi.

74` Tinib-tinchimas Filipp Lam Myuller bilan hamjihatlikda chiroyli o'ynadi. Lekin "Kayzersalutern" himoyachisi to'pga birinchi etib keldi va xavfni bartaraf etdi.

70` "Bavariya" kuchini tejab o'ynayotganligi bilinib qolmoqda. "Kayzerslautern" esa bundan unumli foydalanib qolmoqchi.

67` "Bavariya" hujumda. Riberining har doimgi faolligi bilan yuzaga kelgan vaziyatni Myuller o'zining aniq zarbasi yakunlashi mumkin edi. Ammo Tomas to'pga biroz kech qoldi.

65` Mehmonlar tomonidan kiritilgan gol "Kayzerslautern" futbolchilarini biroz faollashtirdi. "Bavariya" esa shoshilmasdan harakat qilmoqda.

64` Robben o'z o'rnini Gyotcega bo'shatib berdi.

62` GOOOOOOOOOOOOOOOOOOOOOL! Zoller! 3:1! "Kayzerslautern" "Bavariya"ni himoyadagi betartib o'ygani uchun jazoladi. O'ng qanotdan uzatib berilgan io'pni Zoller boshi bilan Reder darvozasiga joylab qo'ydi. "Kayzerslautern" umid chiroqlarini yoqdi desak bo'ladimi? Vaqt etarlicha, davomini kuzatamiz...

59` "Bavariya" bugun yaxshi o'ynamoqda. Avvalgi uch o'yinlaridan yaxshiroq. Bu aniq. Lekin bor kuchi bilan o'ynamoqda deya olmaymiz. Ular chiroyliroq o'ynashga intilishmoqda. Buni qaysidir miqdorda amalga oshira olishmoqda. Lekin asosiy kuch "Real" bilan bo'ladigan o'yinga olib qo'yilayotgani ko'rinib qolmoqda.

56` Riberini maydon markazida qo'pollik bilan to'htatib qolgani uchun Dikka ogohlantirish ko'rsatildi.

54` Imkoniyat!!!!!!!! Fran Riberiga Tomas Myuller to'pni juda qulay tarzda etkazib  berdi. Frankning yo'llagan zarbasi esa osmonga uchib ketdi. Raqib posboni bu vaziyatda jamoasiga yordam bera olmas edi. Agarda to'p darvozaga aniq borganida...

53` Uchrashuv taqdiri deyarli hal etildi. Finalga "Bavariya" juda yaqin turibdi...

50` GOOOOOOOOOOOOOOOOOOOOOOOOOL! Tomas Myuller!  Tomas 11-metrlik jarima to'pini aniqlik bilan amalga oshirdi va hisobni yirik ko'rinishga keltirdi.

49` Penalti! "Bavariya" futbolchisi Aren Robben qo'pollik bilan to'xtatib qolindi.

48` "Kayzerslautern" tezkor hujum uyushtirdi. Reder bu vaziyatda faolligini ishga soldi va xavfni bartaraf eta oldi.

47` "Bavariya" ikkinchi bo'lim boshidanoq hujumga o'tdi. Burchak to'pi ishlab oldi. Lekin bu mezbonlarga foyda bermadi.

Ikkinchi bo'lim boshlandi!

Toni Kroos darvozani ishg'ol etganidan keyin


Birinchi gol muallifi - Bastian SHvayshtayger


Biroz ham biroz dam olamiz. Kimdir narigi xonaga o'tib ketmaydigan bo'lsa, unda u "Bavariya", aniqrog'i Germaniya futboli shaydosi bo'lishi aniq. Menimcha, saytda ushbu o'lka futbolidan rohat oladigan muxlislar ko'p bo'lmasada, bor deb o'ylayman. Ayniqsa "DAVR" FK-25 va "XIVA''FC kabi yuzerlarimizning Germaniya futboliga befarq bo'lmagani etiborga molik. Muxlislarning bittasi ham muxlis, mingtasi ham muxlis! Kimgadir shirinliklar yoqadi, kimlargadir yo'q. 

45` Birinchi bo'lim tugadi. Tanaffus!

44` "Kayzerslautern" hujum qilishda davom etdi. Lekin ular hujumlarini samarali yakunlashda aniq harakat qila olishmadi.

43` "Kayzerslautern" hujum uyushtirdi. Boatengning harakatlari evaziga to'p maydon tashqarisiga chiqib ketdi. Burchak to'pidan esa mehmonlar samarali tarzda foydalana olishmadi.

40` "Bavariya" hujumda. Mehmonlar esa himoyada. Siz boshqacha bo'lishini kutganmidingiz? Uchrashuv debyutidagi holat takrorlanmayapti.

35` "Kayzerslautern"ning yo'qotadigan narsasi yo'q. Ular endi faqat olidanga borishlari kerak, agarda finalga o'ynash istagi kuchlilik qilsa. Agarda yirik mag'lubiyat ularni ranjitishidan qo'rqishsa, unda himoyadagi etiborni kamaytirmasliklari zarur. Tanlash huquqi ularda. Darvozada esa Noyer emas, etarli tajribaga ega bo'lmagan Reder turganini eslatishim shartmasga uhshaydi. Ular baribir bu matnli translyaciyani o'qishmasligi aniq :-)

32` GOOOOOOOOOOOOOOOOOOOOOOOOOOOOOOL! Toni Kroos! Bu "Bavariya"! Bu Toni Kroos! Robben o'z uslubida. Kroos ham. O'ng qanotdan Robben tomonidan rivojlantirilgan hujumni Kroos har doimgi takrorlanmas zarbasi bilan SHippel qo'riqlayotgan darvoza to'rini qimirlatib qo'ydi.

29` Manjukich jarohat olib maydonda yotibdi. SHifokorlar tushishdi. Manjukichga tibbiy yordam ko'rsatilmoqda...

26` O'yin tezligi yuqoriroq. "Bavariya" esa hujum qilishni davom ettirmoqda.

25` "Bavariya" tanqidchilarga bugun maydonda javob berishga tayyorlanganini his etish qiyin emas.

23` GOOOOOOOOOOOOOOOOOOOOOOOOOL! Bastian SHvaynshtayger! Burchak to'pini Robben ajoyib tarzda amalga oshirda va Basti o'zi tomon kelgan to'pga boshi bilan zarba berdi. To'p esa darvozadan o'rin oldi.

21` Manuel Noyerni ko'rsatishdi. Tribunada semechka chaqib futbol tomosha qilmoqda. Asosan u o'yinlarni shu holatda o'tkazishga o'rganib qolgan. Faqatgina bir o'zgarish bor. Bugun u tribunada. Avvalgi o'yinlarda maydonda, darvozasi oldida zerikib o'tirardi :-)

19` "Bavariya" o'z uslubida hujum tashkil qildi. Nozik harakatlar va aniq to'p uzatma juda chiroyli chiqdi. Gol ham chiroyli chiqishi mumkin edi... agarda yon hakam bayroqchasini ishga solmaganida.

17` Germaniyada faqat "Bavariya" bor, qolgan raqiblar "Bavariya"dan qo'rqadi deydiganlar qattiq adashishadi. 2-Bundesliga jamoasi ham Myunxen klubiga etarlicha tashvish to'g'dirib qo'yishini Germaniya futboli ishqibozlari juda yaxshi bilishadi. "Kayzerslautern" bugun maydonda teng huquqliligini his etmoqda va oldinga olg'a bormoqda.

14` Riberi va Robbenni ikki-uch futbolchi qo'riqlamoqda. Ularga raqib futbolchilari bo'sh zona taqdim etmaslikka harakat qilishmoqda. Bu ham to'g'ri. Robberini yakka qo'yib bo'lmaydi. Buni oqibati ularga qimmatga tushishini barcha biladi.

11` Tomas Myuller qanotdan to'pni jarima maydonchasi ichiga uzatdi. Mario Manjukichning zarbasi osmon-u falakka ko'tarilib ketdi. "Kayzerslautern" darvozaboni SHippel ishsiz qoldi.

9` "Bavariya" "Bavariya" ekanligini esladi va hujumga o'tdi. Robben-SHvanyshtayger-Myuller uchligining chiroyli kombinaciyasi Tomasning bosh bilan yo'llagan zarbasi bilan davom ettirildi. Lekin to'p darvoza tusiniga tegib qaytdi...

7` Bir gap aytsam ishonasizmi, to'p mehmonlarda. Ular hozircha to'pni o'z nazoratlariga olishgan.

5` Tomas Myuller darvoza tomon zarba berdi. Lekin noaniq. "Bavariya" oldinga o'tib ketganicha yo'q. Aksincha "Kayzerslautern" ularni himoyada o'ynashlariga majbur qilmoqda.

4` "Bavariya"ning sobiq prezidenti Uli Xyoness yaqindagina qamalganidan xabaringiz bo'lsa kerak. Lekin u bugun jamoasining uchrashuviga kelgan. Haqiqiy fidoiy va jonkuyar rahbar. Xyoness "Bavariya"ning uy uchrashuvlari kuni stadionga kelish uchun ruxsat olgan.

2` "Kayzerslautern" hujumda harakat qilmoqda. Mehmonlar o'yinni faollik bilan boshlashdi.

Uchrashuv boshlandi! Kettik...

"Alyanc-Arena"da o'zgacha muhit. Ajoyib ko'rinish! Pep Gvardiola esa muxlislarga dasxat qo'yish bilan band.

Jamoalar maydonga chiqib kelishmoqda.

"Kayzerslautern" bugun Myunxen jamoasiga anchagina tashvish to'g'dirishi mumkin. Bu futbol. Bu Germaniya! Bu erda har qanday natijalar qayd etilishi mumkin!

Bugun dunyoning eng kuchli posboni Manuel Noyer o'rnida Reder darvozani qo'riqlaydi


"Bavariya" so'nggi o'yinlarda o'zidan kutilgan futbolni namoyish etib bera olmayapti. Pep Gvardiola va uning jamoasi so'nggi vaqtlarda keskin tanqid ostiga olindi. Bugungi o'yin ular uchun juda muhim va "Bavariya" jamoasi bu tanqidlarga maydonda javob berishga harakat qilishlari aniq.

Assalomu aleykum qadrli futbol ishqibozlari! Bugun Germaniya kubogi yarim final bahsi "Bavariya" - "Kayzerslautern" uchrashuvini saytimiz orqali onlayn translyaciya qilamiz. Xizmatingizda SHahboz Beg'amov bo'ladi. Ajoyib to'qnashuv Siz va bizni kutmoqda!