"Bavariya" de Ligt bilan besh yillik shartnoma imzolamoqchi

Jurnalist Florian Plettenbergning xabariga ko'ra, tomonlar transfer borasida og'zaki kelishuvga erishishgan.

Qayd etish kerakki, Myunxen klubi "keksa sinora"ga ilk rasmiy taklifni berishga tayyorlanmoqda.

Turin klubi 22 yoshli niderlandiyalikka o'rinbosar sifatida "Napoli" himoyachisi Kalidu Kulibali bilan shartnoma imzolashni rejalashtirmoqda.

De Ligt o'tgan mavsum turinliklar libosida 42ta o'yinda maydonga tushib, 3ta gol va 1ta assist qayd etdi. Himoyachining klub bilan shartnomasi 2024 yilning 30 iyuniga qadar mo'ljallangan.