"Barselona" va "Bavariya" yarim finalda

Barselona Ispaniya – PSJ Franciya 2:0
21 aprel, 23.45, Kamp Nou
Gollar: Neymar 13, - 1:0 (Inesta). Neymar 32, - 2:0 (Dani Alves).
Barselona – ter Stegen, Dani Alves, Buskets (Roberto, 55), Pike, Alba, Inesta (Xavi, 46), Maskerano, Rakitich, Neymar, Messi, Suares (Pedro, 75).
PSJ – Sirigu, David Luiz, Markinos, van der Vil, Maksvell, Matyuidi (Rabo, 80), Verratti, Pastore, Kabay (Lukas, 66), Kavani (Lavessi, 80), Ibragimovich.
Ogohlantirish: David Luiz (3).
Dastlabki o'yin: 3:1
 
Bavariya Germaniya – Portu Portugaliya 6:1
21 aprel, 23.45, Alyanc-Arena
Gollar: Tiago 14, - 1:0 (Bernat).Boateng 22, - 2:0 (Badshtuber). Levandovski 28, - 3:0 (Myuller). Myuller 36, - 4:0 (Tiago). Levandovski 40, - 5:0 (Myuller). Jekson Martines 73, - 5:1 (Errera). Xabi Alonso 88, - 6:1. 
Bavariya – Noyer, Boateng, Bernat, Badshtuber, Lam, Alkantara (Dante, 90), Xabi Alonso, Getce (Vayzer, 86), Rafinya (Rode, 72), Myuller, Levandovski.
Portu – Freytas, Maykon, Martins Indi, Reyes (Pereyra, 33), Markano, Torres, Kazemiro, Kuarejma (Nevesh, 46), Errera, Braimi (Evandro, 67), Martines.
Ogohlantirishlar: Errera (34), Martines (38), Badshtuber (42), Pereyra (65), Markano (71).
CHetlatish: Markano (87).
Dastlabki o'yin: 1:3

 
                                    MATNLI TRANSLYACIYA
                                              YANGILASH

Tugadi. "Barselona" yarim finalda. "Bavariya" - "Portu" uchrashuvi 6:1 hisobida tugadi. "Bavariya" ham yarim finalda





90+2. ZARBA! Messining yo'llagan zarbasi noaniq chiqdi.

90. O'yinga 2 daqiqa qo'shildi.

88. ZARBAAA! Lavessining jarima maydoni ichidan bergan zarbasidan so'ng Ter SHtegen to'pni ushlab oldi

88. Qo'shimchasiga "Bavariya" hisobni 6:1 ko'rinishiga keltirdi. Xabi Alonso gol urdi, navbat kimga? Noyergamikin?

86. "Kamp Nou"da etiborga molik voqea bo'layotgani yo'q. Myunxenda esa "Portu" 10 kishi bo'lib qoldi. Markano qizil kartochka oldi.

83. PSJ hujumlar qilishga va gol urishga intilmoqda

81. "Barselona" ikkinchi bo'limda "ekonom rejim"da o'ynamoqda. Sababi natija jamoani to'la qoniqtiradi

79. O'zgarish. PSJ. Kavani va Matyuidi o'rniga Lavessi va Rabo tushdi

79. Verratti tshhpni jarima maydoniga uzatdi, Ibra to'pni Lukas Mouraga, u Kavaniga oxiri berilgan zarba noaniq ketdi!

77. "Barselona" o'z uslubida to'pni saqlab turibdi, tushundingiza? pas-pas-pas-pas va yana pas

75. O'zgarish. "Barselona". Luis Suares o'rniga Pedro tushdi

73. Narigi o'yinda oltinchi gol urildi, yo'q bu safar "Bavariya" emas "Portu" urdi 5:1. Jekson Martines to'p kiritibdi. Portugaliya klubi keyingi bosqichga chiqishi uchun yana ikkita gol urishi lozim

72. ZARBAAAAAAA! Nihoyat o'yinda zarbani kutib qolgandik. Ibragimovichning zarbasini Ter SHtegen qaytardi!

68. Xavi jarima to'pini amalga oshirdi, himoyachilar o'z vazifalarini bajarishdi

67. Gvardiola hindchasiga raqsga tushayapti shekilli, hindcha qo'shiq bo'lardi "e shabaaa, shabaaa, eshiba, e shabaa, shaba"...



66. O'zgarish. PSJ. Kabay o'rniga Lukas Moura tushdi

64. "Barselona"ning hujumlari oxiriga etmayapti...

61. Qiziq fakt. "Bavariya" 42 daqiqa ichida Radamel Falkao bir mavsum davomida urgan gollaridan ko'p gol uribdi...

60. Uchrashuv tugashiga 30 daqiqa qoldi. Qo'shimcha taymlar bo'lmasligi aniq

59. ZARBAAAAAAAAA! Verratti jarima maydoniga kirib darvozaga zarba berdi, to'p darvoza ustuni yonidan o'tib ketdi!

57. PSJning hujumi. Matyuidi chap qanotdan to'pni jarima maydoniga uzatdi, to'pni himoyachilar qaytarishdi

55. Luis Enrike yoshlarga imkon berishni boshladi...

55. O'zgarish. "Barselona". Buskets o'rniga Serxi Roberto tushdi

52. O'yin tempi past. Bu tabbiy sababi o'yin taqdiri deyarli hal. Parijliklar keiyngi bosqichga chiqishlari uchun 4ta gol urishlari kerak...

49. ZARBA! Kabay jarima maydoni tashqarisidan kuchli zarba berdi, biroz noaniq va xavfli chiqdi zarba!

48. Neymarning pasidan so'ng Rakitich uzoq masofadan zarba berdi, zarba kuchsiz chiqdi. Agar bu ham gol bo'lsa ECHL emas maynavozchilik bo'lardi...

47. "Portu" bosh murabbiyi Xuan Lopeteguga SHoxruxxonning "Nima qilish keraaaak" degan ashulasi taqdim etiladi



46. Ikkinchi bo'lim boshlandi.

46. "Bavariya" - "Portu" uchrashuvining birinchi bo'limida mezbonlar 8 marta aniq zarba berishibdi, "Portu"da umuman aniq zarba bo'lmagan...

46. O'zgarish. "Barselona". Inesta o'rniga Xavi tushdi

Myunxenda ham taym tugadi. U erda hisob 5:0.



45+1. Dastlabki bo'lim tugadi. Hozircha "Barselona" 2:0 hisobida oldinda.

45. Birinchi bo'limga 1 daqiqa qo'shib berildi

42. Alves asosan hujumda o'ynab yurgan bo'lsa Kavani himoyada o'ynamoqda...

39. "Portu" sovug'idan emoqda..."Bavariya" beshinchi golni ham urdi. Levandovski dubl - 5:0.



37. Burchak to'pidan so'ng Pike boshi bilan darvozaga zarba berdi, noaniq

35. "Bavariya"ning rostan ham jahli chiqqan ekan. 4:0! Tomas Myuller Portugaliya chempioni darvozasiga to'rtinchi golni urdi!

32. Dani Alves "yarim soat" o'ng qanotda himoyachini aldashga urindi va to'pni jarima maydoniga uzatdi, Neymar boshi bilan darvozani ishg'ol qildi - 2:0.

32. GOOOOOOOOOOOOOOOL! 2:0. Neymar dubl! 



29. Kataloniyada esa Inesta ajoyib o'ynashda davom etmoqda. Ikki raqibdan o'tib ketgan futbolchi jarima maydoni ichida yiqilib tushdi.

28. Myunxendan qo'shiq eshitilishni boshladi: "Jim turing shovqinlanmang"... "Bavariya" - "Portu" 3:0. Robert Levandovski gol urdi

26. Hozirga qadar "Barselona" futbolchilari 3 marta aniq zarba berishibdi, PSJda umuman aniq zarba bo'lmapti

24. ZARBAAAAAAA! Dani Alvesning jarima maydoni tashqarisidan yo'llagan kuchli va aniq zarbasini Sirigu mahorat bilan qaytardi, qaytgan to'pni Neymar boshi bilan darvozaga yo'lladi, yana Sirigu o'z o'rnida

22. "Bavariya"ga ishonmaganlarga salom. "Bavariya" - "Portu" 2:0! Jerom Boateng gol uribdi

21. Kataloniya klubi hujumchilari qisqa masofada bir birlariga shu qadar tez to'p uzatishayaptiki nimalar bo'layotganini bilmay qolyapmiz...ochig'i

19. PSJning hujumlari ko'payib bormoqda. Kavaninin pasidan so'ng Pastore zarba berdi, o'xshamadi...

17. O'yindan avval...



16. Ibragimovich gol urdi, biroq Zlatan o'yindan tashqari holatda qolib ketgandi

15. UX! SHu zahoti Myunxendan ham xabar keldi. "Bavariya" gol urdi 1:0. O'tgan o'yinda ham gol urgan Tiago Alkantara to'p kiritibdi

14. Neymar gol urdi lekin bilasizmi nima bu gol Inestaniki ha Andresniki. U bir necha raqibni aldab kelib to'pni jarima maydoni ichida turgan Neymaraga oshirdi, hujumchi o'z ishini qildi - 1:0.



14. GOOOOOOOOOOOOOOOOOOOL! 1:0. Neymar

12. Britaniyalik tennischi Endi Marrey ham "Kamp Nou"ga kelgan



11. "Barselona" futbolchilari to'pni raqib jarima maydoni yonida olib qo'yishga urinishmoqda, bu esa stadiondagi muxlislarga maqul tushyotgani bor gap

10. PSJ rahbari Nosir Al Xelayfi "Barselona" rahbarlari bilan yonma yon o'tirib o'yinni kuzatib bormoqda

9. "Barsa" futbolchilari "Barselona" uslubida to'pni bir birlariga uzatib turishibdi...

8. Parij klubi ilk daqiqalardan hujumga o'tishga urinmoqda. Sababi malum, jamoa yarim finalga chiqishi uchun gol urishi shart, gollar urishi shart

6. "Bavariya" muxlislari bugun mana bunday tarzda o'z suyuklilarini kutib olishdi. Hozircha u erda ham hisob ikkita nol



5. Suares bu safar Matyuidini chiroyli tarzda aldab o'tishga urindi, yo'q har safar ham o'xshayvermaydi Luis. Pike raqib jarima maydoni ichida to'pni to'xtatishga xatoga yo'l qo'ydi va hujum tugamay qoldi

4. Suares burchak to'pini ishlab oldi, Loran Blan maydon chetida hayajon bilan bahsni kutazmoqda

3. O'tgan o'yinda ikki marta Suares tomonidan aldab o'tilgan David Luiz o'yin boshidayoq Rakitichga nisbatan qo'pol o'ynadi. Hakam uni ayab o'tirmadi

3. Ogohlantirish. PSJ. David Luiz

2. Buskets Verrattini maydon markazida qo'pollik bilan kutib oldi. Norvegiyalik bosh hakam Sveyn Oddvar Moen hushtagini chaldi, hammasi joyida hushtak baland chalinmoqda

1. Uchrashuv boshlandi!

Hazillarni bir chetga qo'yib turamiz. O'yin boshlanmoqda.

- CHempionlar ligasi madhiyasi yangramoqda, boya Gevorkyan bopladiya)

- Ikkala jamoa futbolchilari stadion tunelida yig'ilishdi. Zlatan sobiq jamoadoshlari bilan iliq munosabatda ko'rishmoqda. Lekin maydonda haqiqiy jang bo'lishiga shubha yo'q.

- "Barselona"ning francuz klublariga qarshi "Nou Kamp"dagi o'yinlarda qayd etgan natijalari: 6 g'alaba, 2 durang va 1 mag'lubiyat

- Bugun chiroyli va qiziqarli o'yin guvohiga aylanamiz deb umid qilamiz.

- "Nou Kamp" to'lib toshgan, suv bilan emas albatta tomoshabinlar bilan.

- Bugun Parij klubi safida o'tgan o'yinda maydonga tusha olmagan Zlatan Ibragimovich va Marko Verratti kabi futbolchilar maydonga tusha olishadi. Tiago Silva esa jarohat olgan...

- Malum sabablar bilan "bolnichniy" olgan SHahboz Beg'amovning yo'qligini bilintirmaslik og'ir bo'lmoqda))  Xizmatingizda Narzulla bo'ladi.

- Assalomu alaykum qadrli futbol muxlislari. Evropada ham chempionlar ligasi bahslari davom etmoqda. CHorak final doirasidagi ikkita o'yin bugun bo'lib o'tadi. "Barselona" va PSJ o'rtasidagi o'yinning matnli translyaciyasini shu erda kuzatib borish mumkin. "Bavariya" - "Portu" uchrashuvi natijasi va eng asosiy vaziyatlarni ham shu sahifada yoritib boramiz.

- Uchrashuv soat 23:45 da boshlanadi.