"Barselona" - "Selta" 3:0. MATNLI TRANSLYACIYA

Ushbu sahifada o'yinning matnli translyaciyasini kuzatib borish mumkin.

                             MATNLI TRANSLYACIYA
                                        YANGILASH

Sizning xizmatingizda SHahboz Beg'amov bo'ldi. Doimo sog'-salomat bo'ling! Etiboringiz uchun rahmat!

90+3` O'yin tugadi! "Barselona" o'z uyida "Selta"ni yirik hisobda mag'lub etdi va navbatdagi uch ochkoni qo'lga kiritdi. G'alaba bilan "Barselona" muxlislarini tabriklaymiz!

90` Uchrashuvga 3 daqiqa vaqt qo'shib berildi.

89` "Selta"ning hujumi yakuniga etmay qoldi. Pinto bu vaziyatda o'yinni "o'qiy" oldi.

87` "Barsa" to'rtinchi golni kiritishga yaqin kelgandi. Lekin "Selta" himoyachilari bu vaziyatda aniqlik bilan harakat qilishdi.

85` "Selta" futbolchilari hech bo'lmasa bitta gol urish maqsadida oldinga intilishmoqda.

82` "Barselona" vakillari to'pni bir-birlariga uzatib vaqt o'tishini kutishmoqda. Ortiqcha kuch sarflashni istashmayapti kataloniyalik futbolchilar.

79` Pinto o'rnidan turdi. Hammasi yaxshi. O'yin davom etadi.

77` Pinto xatoga yo'l qo'ydi. Lekin uning baxtiga to'p darvozaga kirmadi. Ammo o'zi darvoza ustuniga urilib ketib, yiqilib tushdi. Unga tibbiy yordam ko'rsatilmoqda.

76` Augusto Fernandez qo'pol harakati uchun hakam tomonidan ogohlantirildi.

74` Fontas o'rniga Oubina maydonga tushdi "Selta" tarkibida.

72` Neymar maydonni tark etdi. Pedro endi o'yinni davom ettiradi.

69` O'yin taqdiri hal etildi deb endi bemalol ayta olamiz.

67` GOOOOOOOOOL! Neymar! 3:0! "Barselona" qarshi hujumda raqibini jazolamoqda. Neymar bugun o'zining ikkinchi golini kiritishga erishdi.

66` "Selta" kichik bosim uyushtirmoqda. "Barselona" himoyalanmoqda.

64` Orellana maydonni tark etdi. Bermexa uning o'rnida maydonda harakat qiladi.

61` Ikkinchi bo'limda hujumkorroq o'yin bo'lmoqda. Jamoalar ochiq futbol ko'rsatishmoqda.

59` Fabregasning goli inobatga olinmadi. Bu vaziyatda hakam o'yindan tashqari holat bo'lganini ko'rsatdi.

55` Ikkinchi bo'limda biz boshqacha "Selta"ni ko'ryapmiz. Ajoyib. Enrike jamoasi hujumlar uyushtirishda davom etmoqda va Pintoga etarlicha ish topib berishmoqda.

53` "Selta"!! Pinto - qoyil! "Selta"ning ajoyib hujumi va Pintoning ketma-ket ikkita "seyvi" "Barselona"ni goldan qutqarib qoldi.

51` "Selta" burchak to'pini amalga oshirdi. Lekin bu besamar yakunlandi.

50` "Selta" ikkinchi bo'limni hujumkorlik bilan boshladi.

46` "Barselona" tarkibida o'zgarish ruy berdi. Inesta o'rniga Serxi Roberto maydonga tushirildi.

46` Ikkinchi bo'lim boshlandi!

45+4` Birinchi bo'lim tugadi. Tanaffus!

45+3` Xordi Alba qo'polligi uchun ogohlantirildi.

45+1` Birinchi bo'limga 4 daqiqa vaqt qo'shib berildi.

45` Aleksis Sanchesning kuchli zarbasiga aniqlik etishmadi.

44` O'yin tempi yuqori emas.

42` Bugungi bahsda Inesta ajoyib harakat qilmoqda. Uning ijrosida bir nechta chiroyli paslar ko'rmoqdamiz.

40` "Barselona"da imkoniyatlar bo'lyapti. Ammo hozircha boshqa to'p kirita olishganicha yo'q.

38` Demak Kabral o'yinni davom ettira olmaydi. O'zgarish bo'ldi. Uning o'rnida Lopez harakat qiladi.

37` Neymardan ajoyib harakatlar.

36` "Barselona" kutilganidek to'pni o'zida saqlab turibdi.

34` "Selta" raqibiga qarshilik ko'rsata olmayapti. "Barselona" esa kuchini tejab harakat qilayotgandek. Uchrashuv taqdiri deyarli hal etilgandek.

32` Messi chempionatdagi o'zining 22 golini kiritdi.

30` GOOOOOOOOOOOL! Messi! 2:0! Inestadan shedevr pas va Messi darvozabon bilan yakkama-yakka vaziyatga chiqib bordi. Lionel Messi darvozabonni qiyinchiliksiz ortda qoldirdi va hisobni 2:0 ga etkazdi.

28` Endi Kabral ham jarohat oldi. Oddiy vaziyatda futbolchilar jarohat olishmoqda. Kabral o'yinni davom ettira oladimi? Hozircha unga tibbiy yordam ko'rsatilmoqda.

27` "Selta"ning ilk xavfli hujumi gol bilan yakunlanishi mumkin edi. "Selta" futbolchisi burchakdan oshirib berilgan to'pga etib kelolmadi. Bo'lmasa ochiq darvozaga to'pni yo'llashi mumkin edi. 

26` Mina faollik ko'rsatdi va jamoasi uchun burchak to'pi ishlab oldi.

24` Viktor Valdesning jarohati jiddiy bo'lib chiqdi. Pinto endi uning o'rnida o'yinni davom ettiradi.

23` Valdes to'pni qabul qilib olishda jarohat oldi. Viktor o'yinni davom ettira olmaydigan ko'rinadi.

21` Valdes jarima zarbasini qiyinchiliksiz bartaraf etdi.

20` Adriano to'pni qo'li bilan o'ynadi. Jarima to'pi.

17` "Barselona" o'z jarima maydonchasi oldida to'pni bir-birlariga oshirib o'tirib, keyingi hujumga hozirlik ko'rishmoqda.

15` Viktor Valdes darvozasi oldida hech qanday xavfli vaziyatlar bo'layotgani yo'q. "Barsa" esa bu daqiqaga kelib yana ikkita gol urish imkoniyatiga ega bo'ldi. Neymar va Messi qulay imkoniyatlardan foydalana olishmadi.

12` "Selta" hozircha raqibiga hech qanday qarshilik ko'rsatmayapti. 

10` "Barselona" ketma-ket hujumlar uyushtirmoqda. Neymar hozir raqib himoyachilarini birin-ketin aldab to'pni jarima maydonchasi ichiga etkazib bergan edi. Bu vaziyatda "Selta" himoyachilari aniq harakat qilishdi va xavfni bartaraf etishdi.

8` "Barselona" tezkor gol kiritishga muvofaq bo'ldi. Buyog'iga gollar-shousini ko'ramizmi? Yoki "Selta" qandaydir qarshilik ko'rsata olarmikin? Kuzatamiz.

6` GOOOOOOOOOOOOOOL! Neymar! 1:0! Messi-Sanches-Neymar kombinaciyasi gol bilan tugadi. Messi bu vaziyatda juda oqilona harakat qildi.

5` Messi gol urdi. Lekin bu vaziyatda Lionel o'yindan tashqari holatda qolib ketgan edi.

4` Andreas Inesta jamoasi hujumini noto'g'ri pasi bilan buzib qo'ydi.

3` "Barselona" o'yinni to'p nazorati bilan boshladi. Jamoa sekin-astalik bilan oldinga intilmoqda.

1` Uchrashuv boshlandi! Qani kettik. O'ylaymizki, bugun zerikib qolmaymiz. Jamoalar chiroyli futbol ko'rsatishadi. Qizig'i, "Kamp Nou" bugun muxlislar bilan to'lib-toshmagan!  Stadionda bo'sh o'rindiqlar juda ko'p.

Jamoalar maydonga chiqib kelishmoqda.

Eslatib o'tamiz, bu uchrashuv "Sport" kanali orqali ko'rsatilmaydi. Agarda sizda "NTV-PLYUS Futbol" kanali bo'lsa, unda o'sha kanalga oling. "Barselona" - "Selta" bahsi aynan shu kanal orqali to'g'ridan-to'g'ri olib ko'rsatiladi. Buni imkoni bo'lmasa, saytimizda qoling va uchrashuvni matnli onlayn sharhini o'qib boring!

-Yana bir necha daqiqalardan so'ng uchrashuv boshlanadi. Bugun Siz aziz futbol ishqibozlari uchun "Barselona" - "Selta" bahsini SHahboz Beg'amov matnli onlayn tarzda yozib boradi.

-Jamoalar tarkibi malum bo'ldi!

"Barselona": Valdes, Adriano, Bartra, Maskerano, Alba, Song, Inesta, Fabregas, Sanches, Messi, Neymar.
"Selta": Rodrigez, Ugo Mallo, Fontas, Aurtenetxe, Kastro, Kabral, Aleks Lopez, Levi Madinda, Augusto Fernandez, Fabian Orellana, Santyago Mina.

- O'yin soat 23:55da boshlanadi.


Ispaniya chempionati, 30-tur.

"Barselona" - "Selta" 3:0 (2:0)

Gollar: Neymar (6, 67), Messi (30).

"Barselona": Valdes (Pinto, 24), Adriano, Bartra, Maskerano, Alba, Song, Inesta, Fabregas, Sanches, Messi, Neymar (Pedro, 72).

"Selta": Rodrigez, Ugo Mallo, Fontas (Oubina, 74), Aurtenetxe, Kastro, Kabral (Lopez, 38), Aleks Lopez, Levi Madinda, Augusto Fernandez, Fabian Orellana (Bermexa, 64), Santyago Mina.

Ogohlantirishlar: Adriano (22), Alba (45), Fernandez (75), Mallo (83).