Ko'k-anorranglilar "Valensiya"ga qarshi birinchi yarim final bahsida 7:0 hisobida g'alaba qozondi. Shu tufayli Kataloniya klubi final stadioni haqida bosh qotirmoqda.
Ma'lumotlarga ko'ra, "Barselona" finalni "Real"ning uy arenasi hisoblangan "Santyago Bernabeu"da o'tkazmoqchi.
"Barselona" o'tgan mavsumda ham finalni "Santyago Bernabeu"da o'tkazmoqchi edi, ammo "Real" stadionda ta'mirlash ishlari bo'lishini bahona qilib, bunga rozi bo'lmadi. Natijada, Kataloniya klubi "Atletik" bilan o'z maydonida o'ynadi va final 3:1 hisobida "Barselona"ning g'alabasi bilan yakunlandi.
