"Barsa" "Siti" bilan Jezusning transferi bo'yicha aloqaga chiqdi. Klub uni Suaresga o'rinbosar sifatida ko'rmoqda

Kataloniya klubi vakillari ushbu haftada Angliya klubi rahbariyati bilan aloqaga chiqishgan va ularga 23 yoshli braziliyalik futbolchi bilan shartnoma imzolashni xohlashayotgani haqida aytishgan.

Futbolchining o'zi bu xabarni juda yaxshi qabul qilgan. Jezus - Ronald Kuman shtabi ko'rib chiqayotgan nomzodlardan biri. Klub braziliyalik futbolchini "Barsa"dan ketishga yaqin bo'lgan Luis Suaresning ideal o'rinbosari sifatida ko'rmoqda.

Jezusning "Siti" bilan tuzgan shartnomasi 2023 yilga qadar amal qiladi. Futbolchi yakunlangan mavsum APLda 34ta o'yinda maydonga tushib, 14ta gol va 7ta assist qayd etdi.