Baqoev "Buxoro"dan ketayotganini malum qildi

Mazkur bahsda maydon egalari 1:0 hisobida zafar quchishdi. Uchrashuvdan so'ng o'tkazilgan matbuot anjumanida "Buxoro" klubi bosh murabbiyi Ulug'bek Baqoev ishdan ketayotganini malum qildi.

"Mana, bugungi o'yin bilan 2018 yilgi chempionat ham o'z yakuniga etdi. Bu men uchun murabbiy sifatida ikkinchi mavsum bo'ldi. Jamoam bilan bu yil ham o'tgan yildagi kabi 6-o'rinni egalladik. Superliga bahslari o'ziga yarasha qiziq va shiddatli o'tdi deyishim mumkin".

"Mavsum davomida bizni qo'llab-quvvatlagan barcha muxlislarga, rahbariyatga, futbolchilarga va klub xodimlariga tashakkur aytaman. O'zimga kelsak, murabbiylik sohasida yanada ko'proq izlanishim, o'qishim kerak deb hisoblayman. SHu sababli bugun jamoa bosh murabbiyligidan bo'shash haqida ariza yozishga qaror qildim".

"Bu qarorga kelish juda og'ir bo'ldi. Men o'z yurtimni, o'z shahrimni va futbolda o'tgan yillarimda men bilan birga bo'lgan barchani yaxshi ko'raman. Mening futbolchi bo'lib etishishimda Buxoroning o'rni katta. SHu erda ulg'aydim, futbol sabab boshqa yurtlarda ham to'p tepdim".

"Orzu qilardimki, bir kun kelib o'zimning sevimli jamoamda murabbiy bo'lishni. Mana orzuim amalga oshib ikki yil jamoani boshqardim. SHu ikki yil ichida "Buxoro" uchun chin yurakdan mehnat qildik. Jamoa har ikki mavsumda chempionat etakchilariga qarshi munosib raqobat ko'rsata oldi. Bugungi qarorimni barcha to'g'ri tushunadi degan umiddaman. "Buxoro" hamisha qalbimda yashaydi. Meni qo'llab-quvvatlagan barchaga o'z minnatdorchiligimni izhor etaman", - deydi Baqoev.