Bahodir Nasimov: "Yutishimizga ishonyapman, Koreya oldingidek kuchli emas"
05 sen 2017 13:18
Yangiliklar
![](https://championat.asia/upload/storage/276116_original.jpg)
![](/upload/storage/276116_220.jpg)
Bahodir Nasimov: "Yutishimizga ishonyapman, Koreya oldingidek kuchli emas"
Bugungi juda muhim o'yin oldidan milliy terma jamoamizga ishonayapman. Menda shunday hissiyot borki, bugun g'alaba qozonib, aynan mana shu safar Jahon CHempionatiga chiqadigandekmiz. Bunday o'yinlarda futbolchilarning o'zi ham har tomonlama tayyor bo'ladi. Omad biz tomonda bo'lishiga ishonaman. Etibor bering, shuncha ochko yo'qotgan bo'lsakda, hali hamon yaxshi imkoniyatga egamiz. Janubiy Koreyaning uchta o'yinini kuzatib shunday xulosaga keldimki, hozirgi Janubiy Koreya oldingidek kuchli emas. Ularning o'yinida golli vaziyatlar juda kam bo'ladi. Aynan shu bois ham ular hali hamon safarda g'alaba qozona olishmayapti. Futbolchilarimiz bugun ularni mag'lub eta olishiga ishonayapman - deydi Bahodir Nasimov.
Eron bilan o'yindan keyin ham Koreyadagi klubdoshlarim o'z terma jamoalariga ishonishayapti. Hattoki ular Koreya g'alaba qozonishiga men bilan bahs boylashdi. Men O'zbekiston g'alaba qozonadi deb ular bilan bahs boyladim. Yodimda, to'rt yil oldin deyarli shunday vaziyatda edik. So'nggi turda Qatarni 5:1 hisobida yutgandik, dublga erishgandim, ammo Koreya Eronga mag'lub bo'lib, biz bilan bir xil ochko jamg'argan bo'lsada, omadsizlik bois JCH-2014 ga bora olmagan edik. Bu safar omad biz tomonidan bo'lishiga negadir ishonchim komil - deydi Koreyaning Ansan Grinners klubi hujumchisi.
Usmon IBODOV suhbatlashdi.
O’xshash yangiliklar
![AMP Logo](https://championat.asia/image/logo-amp.png)
Fikrlar