Bahodir Ibrohimov xotira turniri. “Bunyodkor” - chempion!
25 avg 2014 15:43
Yangiliklar
![](https://championat.asia/upload/storage/141988_original.jpg)
![](/upload/storage/141988_220.jpg)
Bahodir Ibrohimov xotira turniri. “Bunyodkor” - chempion!
2002 yilda tug'ilgan futbolchilar o'rtasida bo'lib o'tgan mazkur musobaqada “Bunyodkor” tarbiyalanuvchilari penaltilar seriyasida “Paxtakor” ustidan zafar quchib, birinchi o'rinni qo'lga kiritishdi. O'yinda 2:2 hisobi qayd etildi. SHundan so'ng jamoalar penaltilar seriyasiga taklif etildi. Lotereyalar bahsida esa omad “bunyodkorchilar”ga kulib boqdi. Ular 4:3 hisobida g'alaba qozonishdi.
Uchinni o'rinni Bekobodning “Metallurg” jamoasi tarbiyalanuvchilari qo'lga kiritishdi. Bekobodliklar “Andijon” jamoasini 3:0 hisobida mag'lub etishdi. Turnirning final hamda 3-o'rin uchun kechgan bahslari O'FF suniy maydonida o'tkazildi. Final uchrashuvi yakuniga etgach, g'olib va sovrindorlar tegishli diplom, medallar va kubok bilan taqdirlandi.
Xotira turniri yopilishida ishtirok etish uchun bir qator futbol faxriylari, jumladan, Narimon Jalolov, To'lagan Isoqov, Vilgelm Qahhorov, Vladimir SHtern, Vyacheslav Soloxo, Ravshan Yunusov, Ahrol Inoyatov, Evgeniy Valickiy, Vladimir Safarov kabilar tashrif buyurishdi. Musobaqa yakunida har bir chiziq bo'yicha eng yaxshilar aniqlandi.
“Eng yaxshi darvozabon” - Avaz Hasanboev (“Metallurg”)
“Eng yaxshi himoyachi” - Marufjonov Sardor (“Andijon”)
“Eng yaxshi yarim himoyachi” - Xolmatov Diyor (“Paxtakor”)
“Eng yaxshi hujumchi” - Jo'raqo'ziev Otabek (“Bunyodkor”)
“Turnirning eng yaxshi futbolchisi” - CHikrizeev Igor (“Paxtakor”)
Z-o'rin uchun bahs. 25 avgust
“Metallurg” - “Andijon” - 3:0
FINAL. 25 avgust
“Paxtakor” - “Bunyodkor-1” - 2:2 (p.b - 3:4)
![AMP Logo](https://championat.asia/image/logo-amp.png)
Fikrlar