BAA - O'zbekiston. Taxminiy tarkibimiz

Toshkent vaqti bilan soat 18:00da boshlanadigan o'yin uchun taxminiy tarkibni tuzib chiqdik.

Ro'ziqul Berdiev bugun 3-4-3 taktikasini tanlashi kutilmoqda. Bunda ikki nafar futbolchi loteral bo'lib harakat qiladi. Darvozani tajribali Ignatiy Nesterov egallaydi. Himoyada uch nafar futbolchi harakat qiladi - Kozak, Ashurmatov va Azamov. Loteral vazifasini bajaruvchi Sayfiev va Muhammadiev esa butun qanot bo'ylab o'ynashlari kutilmoqda. Yarim himoya markazida Otabek SHukurov va Azizbek G'aniev o'ynaydi. Hujumda qanotlarda Sardor Mirzaev va Bahrom Abdurahimov to'p tepishsa, markaziy hujumchi Marat Bikmaev bo'ladi.

BAA bilan o'yin uchun taxminiy tarkib:
O'zbekiston: Ignatiy Nesterov - Vladimir Kozak, Rustam Ashurmatov, SHerzod Azamov - Farrux Sayfiev, Otabek SHukurov, Azizbek G'aniev, SHuhrat Muhammadiev - Sardor Mirzaev, Bahrom Abdurahimov, Marat Bikmaev.