BAA – Gonkong (4:0) o'yinidan keyingi fikrlar

Mahdi Ali (BAA termasi bosh murabbiyi): “Osiyo chempionati yo'llanmasini qo'lga kiritganimizdan xursandmiz. Qo'l ostimdagi 24 nafar futbolchi saralash o'yinlarida mana shunday quvonchli onlarni taqdim etganidan mamnunman. Hammaga malum, biz yildan yilga o'sib boryapmiz. Bu esa o'yinlarda o'z isbotini topyapti. Bugun hujumdagi o'yinchilarimiz yaxshi harakat qilishdi, ayniqsa qanotlarda faol kurash olib bordik. Va eng muhimi, yuzaga kelgan imkoniyatlardan foydalandik”.

Kim Pan Gon (Gonkong termasi murabbiyi): “Avvalo raqibimizni bugungi g'alaba bilan tabriklayman. Ular chindan ham kuchli edilar, buni yakuniy hisob ham aytib turibdi. Mag'lubiyatga uchragan bo'lsak-da, taslim bo'lmaymiz va oxirigacha kurashamiz. Futbolda g'alaba va mag'lubiyat doim yonma-yon yuradi va bunga to'g'ri munosabatda bo'lish kerak. Agar oxirgi ikki uchrashuvda ijobiy natijaga erisha olsak, guruhdan chiqamiz. Maqsadimiz – guruhda ikkinchi o'rinni egallash”.

Xayrulla Xoliqov tayyorladi.