Aziz Haydarov: “Mana ko'rasiz, Osiyo chempioni bo'lgan ukalarimiz barchamizning yuzimizni yorug' qilishadi”
30 jan 2018 11:56
Yangiliklar

Aziz Haydarov: “Mana ko'rasiz, Osiyo chempioni bo'lgan ukalarimiz barchamizning yuzimizni yorug' qilishadi”

Bir necha yillardan buyon Amirlik chempionatida to'p surayotgan Aziz Haydarov Osiyo chempionligini qo'lga kiritgan o'zbekistonlik futbolchilarga rahmat aytib, o'zining iliq tilaklarini bildirdi.

“O'zbekiston xalqini chin yuragimdan muborakbod etaman. Ularga shunday ulkan g'alabalar yarashib turadi. Biz eplay olmagan va biz yutolmagan sovrinlar ukalarimizga nasib qilsa, boshimiz ko'kka etadi. Men ishonaman, ular 2022 yil Qatarda bo'lib o'tadigan Jahon CHempionatiga ham borishadi va barchamizning yuzimizni yorug' qilishadi”, — deydi Aziz Haydarov.

“Qilingan xatolardan ko'zimiz ochilsa, to'g'ri yo'lga tushib olsak, Xudoning o'zi ishimizni yurishtiradi. Osiyo CHempionatini butun oila-azolarimiz bilan birga ko'rdik va finaldan keyin bayram qildik. Men futbolchilarning har biriga, nafaqat o'zlariga, balki ota-onalariga ham rahmat aytishni istardim. Umid qilamanki, ular yaxshi niyat bilan bitta maqsad yo'lida harakat qilishda davom etishadi va barchamizning baxtimizga salomat bo'lishadi”.

Havola :

Manba : championat.asia

Yangiliklarni Telegramda o'qing!

Reyting: +42