Aziz Haydarov: "Dastlabki o'yindagi g'alaba muhim"

"Avvalambor barcha muxlislarga salom! Ikki kundan buyon JCH-2018ning ikkinchi saralash bosqichiga tayyorgarlikni boshlab yubordik. Mashg'ulotlarni yaxshi olib bormoqdamiz. Terma jamoa yig'iniga bazi futbolchilar chempionatni yakunlab kelishgan. Ayrimlar uchun esa chempionat o'rtasi kechmoqda. SHu boisdan o'yinchilar har xil holatda terma jamoa lageriga kelib qo'shilishgan. Murabbiylarimiz endi futbolchilarni holatini bir xil ko'rinishga keltirishga harakat qilishmoqda. Maqsad barchani jamlab, bitta umumiy kuchli jamoani tuzish. Ertaga (suhbat 9 iyun kuni bo'lib o'tgan) Eronga qarshi o'rtoqlik o'yini oldidan mashg'ulot bo'lib o'tadi va shunda murabbiylarimiz bu uchrashuvga tegishli ko'rsatmalarni berishadi. Video tafsilotlarni ko'rib chiqilganidan so'ng Eronga qarshi bellashuvga murabbiylarimiz qaysi taktikada o'ynashimizni malum qilishadi. Eron bilan bo'ladigan o'rtoqlik uchrashuvi orqali KXDRga qarshi o'yinga tayyorgarlik ko'rib olamiz. Birinchi o'yinni g'alaba bilan boshlash juda muhim. Biz yangi marra sari ilk qadamni to'g'ri qo'ya bilishimiz kerak. Dastlabki bahsda g'alaba qozonsak qolgani biroz engillashadi. Yaxshi niyatlar bilan JCH saralash bosqichini boshlaymiz. Xudo xohlasa natijalarimiz yaxshi bo'ladi deb o'ylayman", - deya o'z fikrlarini bildirib o'tdi Aziz Haydarov.

"Ash SHabab"dagi kelgusi faoliyati xususida:

- Keyingi mavsumda ham "Ash SHabab"da qolaman. Klub bilan 2017 yilning so'nggiga qadar tuzilgan shartnomam amalda mavjud. SHartnomam oxirigacha ushbu jamoada qolsam kerak menimcha.

SHahboz Beg'amov suhbatlashdi.