"Ajdarlar"ning tarixiy g'alabasi yoxud "Bunyodkor" - "Nasaf" 1:2

Oliy liga, 21-tur.

"Bunyodkor" - "Nasaf" 1:2

Gollar:
Ilhom SHomurodov 2, - 0:1 (Artur Gevorkyan),
Artur Gevorkyan 84, - 0:2
Temur Ayupov 86, penalti - 1:2 (Sato Minori)

"Bunyodkor": 45.Akbar To'raev, 4. Xayrulla Karimov, 6.Anvar G'ofurov (Akromjon Komilov, 53), 8.Javlon Ibrohimov, 13.Ivan Miloshevich, 15.Islom Inomov, 19.Zabihillo O'rinboev, 20.Samir Bekrich (Sato Minori, 66), 27.Sardor Sobirxo'jaev, 28.Doston Hamdamov, 33.Oleg Zoteev (Temur Ayupov, 74).

“Nasaf”: 30. O'tkir Yusupov, 4. Maqsud Karimov (SHohruh Gadoev, 65), 5. Botir Qoraev, 9. Ilhom SHomurodov, 14. Laziz Ubaydullaev, 17. Artur Gevorkyan, 19. Igor Taran (Odil Hamrobekov, 46), 20. Erkin Boydullaev, 23. SHerzod Azamov, 28. SHuhrat Muhammadiev, 32. Hamza Karimov.

Zaxiradagilar:1. Mixail Naumov, 7. Akromjon Bahriddinov, 22. SHohruh Gadoev, 27. Ilhom Yunusov, 29. Ulug'bek Dadaboev, 33. Odiljon Hamrobekov, 38. Doniyor Narzullaev. 


                                MATNLI TRANSLYACIYA
                                            YANGILASH

90+4. O'YIN TUGADI! "Nasaf" o'z tarixida ilk bor Toshkentda "Bunyodkor"ni mag'lub etdi!

90+3. Gadoev! Jarima maydoniga yaqinlashib kelib zarba berdi! Noaniq

90+2. Minorini markazda yiqitishdi, jarima to'pini "qaldirg'ochlar" amalga oshirishadi. Xayrulla Karimov to'pni jarima maydoniga uzatdi. Zoteevning zarbasi yo'liga Boydullaev to'g'anoq bo'ldi!

90+2. Ivan Miloshevich hujumchilarga yordamga keldi, u hozir faqat hujumda yuribdi

90. Asosiy vaqtga 4 daqiqa qo'shib berildi

89. Mezbonlar burchak to'pi ishlab olishdi. Burchakdan oshirilgan to'pni Ayupov boshi bilan darvozaga yo'lladi, Yusupov o'z o'rnida.

89. "Bunyodkor" hisobni tenglashtirish uchun hujumga o'tmoqda.

87` GOOOOOOOOOOOOOOOOOOOL! TEMUR AYUPOV! Temur Ayupov belgilangan 11-metrlik jarima zarbasidan unumli foydalandi, 1:2!

86` PENALTI! "Nasaf" darvozasi tomon penalti!

84` GOOOOOOOOOOOOOOOOOOOOOOOL! ARTUR GEVORKYAN! Belgilangan jarima zarbasini Artur Gevorkyan qoyilmaqom tarzda amalga oshirdi va chiroyli gol muallifiga aylandi!

84` "Nasaf"ning tezkor qarshi hujumi! Artur Gevorkyan raqib jarima maydonchasi tomon kirib bordi va to'pni Odil Hamrobekovga tashladi. Raqib himoyachisi esa Hamrobekovga nisbatan qo'pollik ishlatdi. Jarima zarbasi.

81` Javlon Ibrohimov oldinga intilayotgan Artur Gevorkyanni to'xtatib qoldi. Taktik fol.

79` "Bunyodkor" ushbu standart vaziyatidan ham naf chiqara olmadi.

77` "Bunyodkor"ning navbatdagi hujumi. Jarima to'pi belgilandi.

75` "Nasaf" jarima to'pi tepdi. Jarima maydonchasi ichiga oshirib berilgan to'pga zarba beradigan odam topilmadi. Qo'shimchasiga SHohruh Gadoev raqibiga nisbatan qo'pol o'ynadi deb topdi bosh hakam.

74` "Bunyodkor" safida o'zgarish. Oleg Zoteev o'rniga Temur Ayupov tushdi.

73` "Nasaf"ning qanotlari ancha jonlandi. Hujumlar asosan qanotlar orqali uyushtirilmoqda. Lekin ikkinchi bo'limda Akbar To'raevga etarlicha "ish" topilmayapti.

71` Mehmonlar ham oldinga borishmoqda. SHohruh Gadoevning maydonga tushishi ularning o'yiniga tezkorlikni olib kirsa ajab emas.

69` SHuhrat Muhammadiev o'z qanotidan yorib kirdi va to'pni SHomurodovga tashladi. Ammo Ilhom SHomurodov bu vaziyatda to'pni darvozaga yo'llay olmadi.

67` Islom Inomovning qanotdan oshirib bergan to'pini O'tkir Yusupov ushlab oldi.

66` Samir Bekrich o'z o'rnini Sato Minoriga bo'shatib berdi.

66` Artur Gevorkyanning jarimadan bergan zarbasi "jonli devor"ga tegib qaytdi. Qaytgan to'pga yana zarba bergan Artur mo'ljalda ancha adashdi.

65` Maqsud Karimov o'rniga SHohruh Gadoev maydonga tushdi.

64` Artur Gevorkyan raqib jarima maydonchasi oldida to'xtatib qolindi. Jarima to'pi.

63` O'tkir Yusupovni Marat Ismoilov og'zaki ogohlantirdi.

62` SHohruh Gadoev maydonga tushishga tayyorgarlik ko'rmoqda. U kimni almashtiradi?

61` Dostonbek Hamdamovning jarimadan tepgan zarbasi biroz noaniq ketdi.

60` "Bunyodkor" xavfli nuqtadan jarima to'pi tepadi.

59` "Bunyodkor"ning uzoq o'ylagan hujumi ancha chuzilib ketdi.

57` "Bunyodkor"ning o'ng qanotdan tashkil etgan hujumi Islom Inomovning noaniq pasi tufayli uzilib qoldi.

56` Zabixillo O'rinboevning zarbasiga aniqlik etishmadi.

53` "Bunyodkor" tarkibida o'zgarish. Anvar G'ofurov o'z o'rnini Akromjon Komilovga bo'shatib berdi.

51` SHuhrat Muhammadiev himoyada ishonchli harakat qildi va raqib hujumini to'xtatib qoldi.

50` Maydon egalari pozicion hujumda harakat qilishdi. Biroq mehmonlar himoyasini yorib o'tish ularga hozircha nasib etmayapti.

49` Sardor Sobirxo'jevga nisbatan qoida buzildi.

48` "Bunyodkor" ikkinchi bo'limni hujumkorlik bilan boshladi.

46` "Nasaf" safida o'zgarish. Igor Taran o'rniga Odil Hamrobekov tushdi.

46` Ikkinchi bo'lim boshlandi!

- Birinchi bo'lim tugadi. TANAFFUS!

45` Birinchi bo'limga hakam 2 daqiqa vaqt qo'shib berdi.

45` "Bunyodkor" azosi Sardor Sobirxo'jaevning uzoqdan bergan zarbasini O'tkir Yusupov ushlab oldi.

44` "Bunyodkor"ning navbatdagi hujumi besamar yakunlandi.

42` O'yin mehmonlar jarima maydonchasi oldida kechmoqda.

40` O'yinning ichki dinamikasi ancha yuqori.

39` Anvar G'ofurovning uzoqdan yo'llagan zarbasini O'tkir Yusupov qiyinchilik bilan qaytarib yubordi.

38` Dastlabki 20 daqiqani mehmonlar yaxshi boshlashdi. Qolgan daqiqqalarda "qaldirg'ochlar" hujum qilishmoqda.

36` "Nasaf" ayni daqiqalarda himoyalanish bilan band.

34` Bu vaziyatda o'yindan tashqari holat bor yoki yo'qligini qayd etish oson emasdi. Takroriy lavhada Bekrich offsaydda emasdek tuyulgandek bo'ldi.

33` Gol! Sardor Sobirxo'jaevning yo'llagan kuchli zarbasini O'tkir Yusupov qaytardi. Qaytgan to'pga zarba bergan Bekrich goli inobatga olinmadi. O'yindan tashqari holat qayd etildi.

31` "Bunyodkor" burchak to'pi ishlab oldi. Navbatdagi imkoniyat.

30` Maydon egalari tashuabbusni o'z qo'llariga olishdi. Mehmonlar biroz sustlashishdi. Bir qator uyushtirilgan hujumlar xavfli chiqdi, ammo gol bo'lgani yo'q.

28` Erkin Boydullaevning Taran tomon oshirib bergan to'pini Miloshevich bartaraf etib qoldi.

27` Oleg Zoteevning kuchli zarbasi raqib himoyachisiga tegib o'z yo'nalishini o'zgartirdi. Xavfli zarba bo'lgandi.

26` Zabixillo O'rinboevning faolligi jamoasiga naf keltirishi mumkin edi. Bu vaziyatda mehmonlar himoyasi ishonchli harakat qildi.

25` "Bunyodkor"ning xavfli hujumi. Hozir omad mehmonlar tomonida bo'ldi.

23` Botir Qoraevga nisbatan o'yin qoidasi buzildi. Qoraev maydonda yotibdi. SHifokorlar maydonga chiqib kelishdi.

21` Artur Gevorkyan darvozabon bilan birga-bir vaziyatga chiqib borayotgandi. Lekin Akbar To'raev to'pga birinchi bo'lib chiqib keldi va xavfni bartaraf etdi.

20` Maydonda keskin kurash kechmoqda.

18` SHuhrat Muhammadiev ancha faol. Uning bir o'zi bir necha raqiblarini aldab o'tmoqda. Hozir unga nisbatan o'yin qoidasi buzildi.

17` "Bunyodkor" asta-sekinlik bilan tashabbusni o'z qo'liga olishga urinmoqda. Ammo ularning tashkil etayotgan hujumlari hozircha yakunlanmay qolmoqda.

16` Sergey Lushan o'z shogirdlari o'yinidan qoniqmayapti.

15` Samir Bekrich maydon egalari uyushtirgan hujumni o'zining kuchli zarbasi bilan golga aylantirishi mumkin edi. Ammo uning yo'llagan zarbasiga biroz aniqlik etishmadi.

14` "Nasaf" hujum qilishda davom etadi. Artur Gevorkyan-Muhammadiev-Taran kombinaciyasini qarshiliklar hujumchisi samaralari tarzda yakunlay olmadi. Uning darvoza tomon tepgan zarbasi biroz noaniq ketdi.

13` "Nasaf" futbolchilari to'pni nazorat qilib turishibdi. Hujumga o'tishga shoshilishmayapti.

12` "Bunyodkor" azolari oddiy vaziyatlarda to'p uzatishda xatoga yo'l qo'yishmoqda.

11` Doston Hamdamov qarshi hujumda qochib ketdi va O'tkir Yusupov qo'riqlayotgan darvoza tomon zarba yo'lladi. Ammo mehmonlar posboni o'z o'rnida.

10` "Nasaf" jarima to'pini amalga oshirdi. Lekin bu samarasiz yakunlandi.

8` Oleg Zoteev maydon markazi oldida SHomurodovga nisbatan qoidani buzdi. SHomurodovga tibbiy yordam ko'rsatilmoqda.

6` To'p mehmonlar nazoratida. Hozircha kichik ustunlik "Nasaf" jamoasi qo'lida.

5` "Bunyodkor" ham o'tkazib yuborilgan goldan so'ng oldinga intildi. Ammo mehmonlar himoyasi hozircha aniq harakat qilmoqda.

4` Ro'ziqul Berdiev shogirdlarining "pressing"idan so'ng Akbar To'raev to'pni tepishda xatoga yo'l qo'ydi. Yakunda bu hujum gol bilan yakunlandi.

3` Mehmonlar uchun ancha omadli start.

2` GOOOOOOOOOOOOOOOOOOOOOL! ILHOM SHOMURODOV! "Nasaf" burchak to'pini amalga oshirdi. Jarima maydonchasidan qaytgan to'pni Artur Gevorkyan yana jarima maydonchasi ichiga oshirib berdi va "ajdarlar" hujumchisi Ilhom SHomurodov to'pni boshi bilan darvozaga joyladi, 0:1!

2` "Nasaf" raqib jarima maydonchasi oldida "pressing" uyushtirmoqda.

1` Uchrashuv boshlandi!

- Jamoalar PFL madhiyasi sadolari ostida maydonga chiqib kelishmoqda.

- Bugungi markaziy o'yin bronza medallari uchun bahs. Qaysi jamoa g'alaba qozonsa, o'sha klub 3-o'rinni egallash uchun ajoyib imkoniyatga ega bo'ladi.

- Hozirgacha Qarshining "Nasaf" jamoasi Toshkentda "qaldirg'ochlar"ni mag'lub etishni uddasidan chiqa olmagan.

- Assalomu alaykum qadrli futbol ishqibozlari! Bugun Oliy liga 21-turining markaziy bellashuvi "Bunyodkor" - "Nasaf" uchrashuvi bo'lib o'tadi. Ushbu bahsdan saytimiz orqali matnli onlayn reportajimizni boshlaymiz.

- Uchrashuv soat 18:00da boshlanadi.