Azamat Abduraimov: "Muhimi 3 ochkoni qo'lga kiritdik"
20 sen 2019 21:30
Yangiliklar
![](https://championat.asia/upload/storage/519288_original.jpg)
![](/upload/storage/519288_220.jpg)
Azamat Abduraimov: "Muhimi 3 ochkoni qo'lga kiritdik"
O'zbekiston U-16 terma jamoasi bosh murabbiyi Azamat Abduraimov o'yindan so'ng quyidagicha fikr bildirib o'tdi:
- Muhimi – biz bugun g'alaba qozondik, 3 ochkoni qo'lga kiritdik. Hech bir g'alabaga osonlikcha erishayotganimiz yo'q. Yigitlarimizga mag'lub bo'la turib xarakter ko'rsata olganliklari uchun minnatdorchilik bildiraman. Biz ularni jangovar ruhda o'yinga tayyorlashga intilgan edik. Zero Turkmaniston Hindistonga yoki Bahraynga 0:5 hisobida mag'lub bo'lishi mumkin. Lekin qo'shni bo'lganimiz sabab biz bilan o'yinda ular so'nggi soniyalargacha kurash olib borishdi.
Bugun o'tgan safargi o'yin bilan solishtirganda tarkibda katta o'zgarishlar qildik. Bundan ko'zlangan maqsad o'tgan gal maydonga tushmaganlarga o'yin amaliyoti taqdim etish va etakchilarga dam olish imkonini berish edi. Faqat 3 nafar yigitgina bugun ham maydonga tushdi. Himoya chizig'ini to'la yangiladik. Qolaversa, bizda kichik jarohatlar ham mavjud, - dedi mutaxassis.
O’xshash yangiliklar
![AMP Logo](https://championat.asia/image/logo-amp.png)
Fikrlar